Icebbel lebḥeṛ-iw iluɣ
Yal ass la ttṛaǧuɣ
Nnuba-w ad d-teḥlelli
Leɛyub deg-sen ttɛummuɣ
Ay ggummaɣ ad ten-mḥuɣ
Ay ugiɣ-ten bɣan-iyi
Siwa Ṛebbi iwumi ara ḥkuɣ
Ay ammer ad ḥluɣ
Ad rreɣ i weɛdaw tisfi
Ayen yakk tezzayzageḍ
Yettaweḍ-iyi-d lefwaṛ-is
Qqaren-iyi-d tendemmeḍ
Qqaren-d tettezzem iman-is
Ayen yakk tezzayzageḍ
Yettaweḍ-iyi-d lefwaṛ-is
Qqaren-iyi-d tendemmeḍ
Qqaren-d tettezzem iman-is
Deg wugris mi d iyi-tḍelqeḍ
Ah a lmeḥna
Deg wugris mi d iyi-tḍelqeḍ
Mi am-nnan yewweḍ lḥedd-is
Wid-nni umi tesmeḥseḍ
D nutni ad am-d-ijaben ixef-is
Tuɣeḍ abrid ur d-tuɣaleḍ
Lǧerḥ-iw yessebb d aqdim
A d-yas wass ideg ara termimzeḍ
Ad am-d-tessiwel tmurt-im
Taddart amek ara tt-tqableḍ
Ah a lmeḥna
Taddart amek ara tt-tqableḍ
Amek ara tnaqleḍ timmi-m
Nekk cukkeɣ ur d iyi-d-tettafeḍ
Akken ad am-sefḍeɣ lexdayem-im
Ssḥesbeɣ qasseɣ ktaleɣ
Imal lmizan ɣur-m
Fkiɣ lɛahed mi kem-uɣeɣ
Siwa ma tekka-d seg-m
Ula d kemm akken i ɣileɣ
Ad nemyeksab akken ilzem
Ɣer wecṛuf mi nneqlabeɣ
Yeddegdeg yid-i usirem
Win ara kem-yaɣen azekka
D udem-iw ara m-d-ittbanen deg-s
Mi d-tedduqqseḍ si tnafa
Ad d-tafeḍ lxiq d amwanes
Steqsi win mu teḍra
Ah a lmeḥna
Steqsi win iwumi teḍra
Ma ad d-taǧǧweḍ ṣṣber ɣur-s
Nekk akken jeṛṛbeɣ ass-a
Cukkeɣ-t ad kem-id-yessayes
I yellan deg yeẓri ad t-truḍ
Ṭṭlam n nndama ad d-yeɣli
Tabburt mi tt-teldiḍ tettuḍ
Ma ɣer lber neɣ ɣer lxali
Ttemṛa-nni iss tettzuxxuḍ
Ah a lmeḥna
Ttemṛa-nni iss tettzuxxuḍ
Ad m-tt-iqeccem webruri
Ad tjeffleḍ a t-tetthummuḍ
Abrid ur m-d-ittban sani