Lounès Matoub - Imesfray - Lyrics, Similar artists

Kishore Kumar Hits — Lounès Matoub - Imesfray lyrics

Artist: Lounès Matoub

album: Regard sur l'histoire d'un pays damné

Wissen ma d tiɣri ur newwiḍ
Neɣ d medden i d iyi-zwaren
Akken ad am-inin texliḍ
A tungift i t-yettamnen
Tecfiḍ i wayen i m-yexdem
Yegzem lemεahda txaḍem
Ass-a yeḥnunef-d ɣur-m
Ma tezziḍ ɣur-s texliḍ
A tungift yettamnen
Mačči d yiwet i d am-ḥkan
Mi akka texreb tuɣalin
Tasa-w turew-d ineẓman
Ul amcum yebḍa ɣef sin
Ɣef uxxam-nni aqdim tecfiḍ
D tislit ɣer-s i d-teddiḍ
Ass-a dayen yerka am uceṭṭiḍ
Ufan ɣer ɣur-s abrid wussan
Ussan-ini i d aɣ-yerwin
Axxam amaynut nebna
Leḥzen fell-as d aεessas
S anda rriɣ udmim yella
Temḥebbakeɣ d lweswas
Lehlak yerẓa-d tiwwura
Ɣer tezmert i d-yesteqsa
Ɣer tama-w ḥedd ur yella
Ad yi-d-xeteb lmut yal ass
Ugadeɣ ur kem-ẓerreɣ ara
Ula d derya ur nesεi
Ad aɣ-iğazin ad nemlil
Deg-neɣ yezga weswaεdi
Yal taluft ur d aɣ-tezgil
Anda tella tallit-nni
N wasmi teğğuǧǧeg tayri
Ass-a iceṭṭeb-itt webruri
Ad nkemmel i lmeḥna klil
N wussan n tizelgi

Поcмотреть все песни артиста