Ad regmeɣ qbel iman-iw
Uqbel ad n-zziɣ ɣur-wen
Ma ffreɣ-awen laɛyub-iw
Klaleɣ ad iyi-tkeṛhem
Uqbel ad ḍelqeɣ i iferr-iw
Ad ken-ǧǧeɣ a yat tmurt-iw
Ad wen-menniɣ asirem
Ass-a mi icebbel lmux-iw
Yegla ula s tezmert-iw
Selt-d qbel ad iyi-tfarqem
Mi kfiɣ regmeɣ iman-iw
Ɣur-wen ad n-zziɣ udem-iw
Ass-a ssardeɣ-t s useɣwen
Ɣur-i mi d-tejbiḍ a lḥif
Ad tzedɣeḍ bessif
Ttxil-k acu ay d ssebba
Ttxil-k acu ay d ssebba
Teɣliḍ-d am lehwa n lexṛif
Sawdeɣ d lewṣif
Deg umureǧ tger ṣṣura
Deg umureǧ tger ṣṣura
Susmeɣ neɣ meǧǧedeɣ kifkif
Zzher-iw d ukrif
Yaṭṭef-it zman di ṣrima
Yaṭṭef-it zman di ṣrima
Yir zzheṛ yir ddunnit
Ma d lebɣi-w ucmit
D idammen-iw i d lqut-is
D idammen-iw i d lqut-is
Ayen akken yelhan iḍeqqer-it
Ayen i iẓra iḍuṛṛ-it
Yextarit-id d aṛfiq-is
Yextarit-id d aṛfiq-is
Win ɣef ur testenya ddunnit
Ad t-tedhem talwit
Wayeḍ ad as-tɛebbi nṣib-is
Wayeḍ ad as-tɛebbi nṣib-is
Ur fṛizeɣ iṭij d lehwa
Ma d lehna n tmara
Hubaɣ ad d-bedreɣ isem-is
Hubaɣ ad d-bedreɣ isem-is
Ɣur-wat ad as-tinim yezha
Ur t-yuɣ wara
Ur ttmennit amkan-is
Ur ttmennit amkan-is
Uliw a iteddu i leḥfa
Yeɣreq di tẓegwa
Kul aṭṭan yeddem amur-is
Kul aṭṭan yeddem amur-is
Zgiɣ d aḥbib n tmara
Akka i d-iyi-yura
Ur cbiɣ tizyiwin-iw
Ur cbiɣ tizyiwin-iw
Di nnegr ara mmteɣ azekka
D ur zriɣ ara
Ur ṭṭifeɣ mmi deg irebbi-w
Kker ay aḍar-iw tura
Ad nbedd ɣef f tmura
Win iyi-yessnen ad yettu isem-iw
Win iyi-yessnen ad yettu isem-iw
Ad ruḥeɣ ad sbeɛdeɣ
Ayen iyi-cudden ad t-gezmeɣ dayen-nni
Ad ruḥeɣ ad inigeɣ
Sbbanyul ad tt-id-furreɣ irkelli
"Madrid" ad ḥebseɣ
Tidet ad tt-afeɣ
Ass-a ad ken-id-feḍḥeɣ
Acḥal tenɣam s yir tiḥerci
Abrid werɛad i t-kfiɣ
Ayen wuɣur tedduɣ lḥiɣ ad t-afeɣ
"La suisse" ur ḥebbseɣ ma ɛyiɣ
Mačči d adrim ay wwiɣ ad t-freɣ
D taɛekkemt i wwiɣ, ɣer Lalman i ddiɣ
I wakken ad waliɣ
Anda nɣan izmawan-nneɣ
Wwin tamurt ɣer wesfel
Iwakken ur ẓẓaṛen medden i aɣ-yuɣen
Dehnen-as i tmurt ddel
Widak nerra d imɛelmen ad aɣ-tetten
Acimi newḥel
Nekkni s leqbayel
Axaṭar nedɣel
S tismin i nneq irgazen
Yettɣiḍ win umi gezmen awal
Xas inuda ad icetki i wumi
Ass-a yedda d ṛas lmal
Aglim uxeddam yezwi seg uɛebbi
Ṭuqten lɛuqqal
Yeččuren d awal
Tezla d uqlaqal
Mi aɣ-yundi ad aɣ-yeṭṭef uparti
Iya-d a flan ha-t-a umekkan
Ayen tmennaḍ tessarmeḍ ad t-tawḍeḍ
D nekkni i k-igan leḥsan
Ur ttak awal ad tqebleḍ ad tjehleḍ
Leqbayel akka i gan
Gar-asen i ttmeččan
Win umu fkan amkan
Mi iwala gma-s ad t-yerkeḍ
Ulac ticraḍ zeddigen
Ur d-nefka ara idammen
Neɣ tejṛa ur ihuzz waḍu
Tayuga n yizgaren
S ccuka ma tḥeṛseḍ-ten
Yiwwas ad ṛṛzen azaglu
Ma d wid i itetten
Deg uksum-nsen
Xas nekfa ad d-yegri yiwen
Ad sen-yecfu
Anwa amsedrar yestaɛfan
Ur ḥuzan ara izilan
Neɣ axxam yugad lhemm
Ur d-yeqqim uɛqub yeṣfan
Umi gan yemdanen ccan
Ur nufi afus yettwalqem
Lefrissa yellan
Itekka ɣef umkan
Ad aɣ-d-yettɣenni qassaman
I wakken ad t-namen
Mačči d nekk kan ad d-yinin
Mačči d nekk ad ken-yawin
Anda akken yettqeggil yiffis
Mazal cfant tzemrin
Mazal jujma n tudrin
Ɣef win yefran iman-is
D tidet ad d-yinin
Ad wen-tefk limin
Idrimen idammen n tudrin
Ha-ten-an di lbankat n Sswis
Yiwen yeqqar nekk d zzaɛim
Ɣef tmaziɣt ad fkeɣ idim
Yettmeslay s tfenṭazit
Xuḍi mi ara d-yeɣli lɣim
Ad tafeḍ-t yeffer yeqqim
Yettraǧu ad tebɛed twaɣit
Flan s Ṣuṣyalizm
Iɛebba adrim
Argaz ibbuṭi neɣ iqqim
Yeqqen ctacta tacacit
Ahya Si Lḥusin
Tfehmeḍ nekk d abhim
Rḍel-iyi-d kra n twiztin
Ad d-aɣeɣ targit
Ahya Si Lḥusin
Tfehmeḍ nekk d abhim
Rḍel-iyi-d kra n twiztin
Ad d-aɣeɣ targit