Lounès Matoub - A mehbus iw - Lyrics, Similar artists

Kishore Kumar Hits — Lounès Matoub - A mehbus iw lyrics

Artist: Lounès Matoub

album: Ru Ayul

Ṛṛuḥ-is a d-yeselqaf
Am uεeqqa gar iɣuraf,
Yettraǧu nnuba-s, yettru,
Umeḥbus-iw...
Yugad ad as-tinim d amcum
Taggara ar tettum,
Ɣeṛ-s, anwa a yarẓen asalu,
Umeḥbus-iw?
Lbaṭel iger-d isuraf
Ɣer sdat d lkaf,
Deffir-s lmut a d-tettedu
Umeḥbus-iw,
Siwel-as a yul-iw, siwel-as,
Ma yesla-d ini-as,
ḥader win i d-yeznuzu,
Umeḥbus-iw...
A yaḍu ihuzen izemran
Ttxil-k ini-d ay aḍu,
Cbiɣ lǧedra yerkan
Ugin medden d aserɣu,
Anda tella sseba i t-yenfan
I t-yecleqfen gar yimawlan,
Ay aḍu iyi-d-inudan
Ma iweṣṣa-k-id neɣ ala
Umeḥbus-iw?
Ma fkiɣ awal i medden
Ɣef ccɣel ad yerz ufus-iw,
D tasa-w iyi-smendagen
Tessibrik deg wussan-iw,
Ufiɣ imdanen a heddren
Mi ḍalleɣ bran i wallen,
Ay aḍu d kečč ad iyi-mlen
Ma mazal yedder neɣ ala,
Umeḥbus-iw?
A d-yeggar wul nhati
Mi d-yewweḍ uqebli n meɣres,
Mi refdeɣ abuqal s imi
Ad d-tas lḥaǧa a yi-t-tekkes,
Ass-a ḥṣiɣ ifat-iyi
Tiṭ dayen ur tettwali,
Ay aḍu qim-d mmel-iyi
Anida i s-tebra lmuja
I umeḥbus-iw?
Talwit ttraǧuɣ tebṭel
Nefka ttεid ur d-tus ara,
Taluft tucbiḥt tkeḥḥel
Thenna-yi-d ɣer lḥaṛa,
Ass-a zriɣ ayen iεeṭṭel
Tisin-is ayɣer tebṭel
Yugwi ad yeknu sdat ddel
Iḥeṛ-it Beṛwageyya
Umeḥbus-iw...

Поcмотреть все песни артиста