غابت الشمس
وبردت النسمات
غابت الشمس
وبردت النسمات
ولبست قميص الليل ضيعتنا
وحط الفلك ع جبالنا شالات
وباتوا الطيور بسنديانتنا
واندرز خد السما شامات
شامات بيض متل زرار فلتنا
والندي سقسق ع الوردات
الي فتحوا بحيطان حارتنا
♪
وعرزال تحكيلوا الدني حكايات
وعرزال تحكيلوا الدني حكايات
حكايات عن امجاد ارزتنا
يا ما ع دربه حامت فراشات
ونجوم غطت ع سطيحتنا هي، هي ياه
ومنجيرة الراعي ومنجيرة الراعي
لها عنّات، عنّات، عنّات
ومنجيرة الراعي لها عنّات
مقطفي من نار نهدتنا
ومنجيرة الراعي لها عنّات
مقطفي من نار نهدتنا ويلي
وساقية وساقية موجاتها مرايات، مرايات
قديش فرقت شعر حورتنا
وع كل حفّة باقة بنيّات
قَصتلن فساتين لوزتنا
وع كل حفّة باقة بنيّات
قَصتلن فساتين لوزتنا
يا ما عليهن جنّت اللفتات
وتنهدوا شبيبات حارتنا
ياما وياما، ياما وياما
يا ما عليهن جنّت اللفتات
وتنهدوا شبيبات حارتنا
يا ختي إن شالله تنجلي الغيمات
يا ختي إن شالله تنجلي الغيمات
ومنلتقي من بعد فرقتنا يا ختي
♪
يا ختي إن شالله تنجلي الغيمات يا ختي
ومنلتقي من بعد فرقتنا يا ختي
مشتاق للمعدور، للرزقات، للمصطبة، لتنور قبوتنا
لدق الجرس، للمخل، للقيمات، للعين، لحكايات جارتنا
للراعية السمرا الـ ورا العنزات، للميجنا بفيّات خيمتنا
للراعية السمرا الـ ورا العنزات، للميجنا بفيّات خيمتنا
للكنار الاصفر الريشات، ينقر خصور كواز تينتنا
للمحدلة للسطح، للخشبات، للكاس يضحك ع سكملتنا
صلّي معي
صلّي معي يا حلوة الخيّات
تنعود يختي هموم حاجتنا
صلّي معي يا حلوة الخيّات
تنعود يختي هموم حاجتنا
صلّي معي
صلّي، صلّي، صلّي، صلّي، صلّي
صلّي معي، معي صلّي يا حلوة الخيّات
تنعود يختي
تنعود يختي هموم حاجتنا
تنعود يختي هموم هموم حاجتنا
ما بيرجع لخيّك هنا الغفوات
ما بيرجع لخيّك هنا الغفوات
تا الشمل يجمعنا بضيعتنا
ما بيرجع لخيّك هنا الغفوات
تا الشمل يجمعنا بضيعتنا
صلّي معي يا حلوة الخيّات
تنعود يختي هموم حاجتنا، حاجتنا
ما بيرجع لخيّك هنا الغفوات
تا الشمل يجمعنا بضيعتنا، بضيعتنا
تا الشمل يجمعنا بضيعتنا يا ختي