Perdimos la esperanza. Deprendimos a lluchar
Igual foi tarde pero daquello yá nun queda ná
Volví correr pel borde del acantiláu ensin mieu caer
Nel camín a toos un día vos alcontraré ensin nada que perder
Los díes que vienen fieden a pólvora y podrén
Ellí esperaremos sonriendo ente semiente y bales
Fuximos de les cais vixilaes pol "gran hermanu"
Rompimos les pantalles
Son les cadenes de la Era Dixital
Volví correr pel borde del acantiláu ensin mieu caer
Detrás de mi, en fila, vienen alloriaos adictos al poder
Los díes que vienen fieden a pólvora y podrén
Ellí esperaremos sonriendo na escuridá
Y desapaecer, lloñe ente les montañes imaxinándome
Ver alborecer hasta que les ciudaes españen
Glayando hasta caer
Fraya'l tiempu. Máncanos la piel. Duel el cuerpu a la hora de morrer
Los díes que vienen fieden a pólvora y podrén
Ellí esperaremos sonriendo na escuridá
Y desapaecer, lloñe ente les montañes imaxinándome
Ver alborecer hasta que les ciudaes españen
Glayando hasta caer