Rosa Balistreri - Vurria di lu to sangu cincu stizzi

Kishore Kumar Hits — Rosa Balistreri - Vurria di lu to sangu cincu stizzi lyrics

Artist: Rosa Balistreri

album: Rosa canta e cunta - Rari e Inediti

Cu' fici amuri fici cosi assai
Fici 'na turri curazzata e forti
Prima 'nvintau l'amuri e poi li guai
E pi spartenza cci misi la morti
Un fari comu a mia ca cci 'ncappai
Amuri m'hai purtatu â malasorti
Amuri, amuri chi m'ha fattu fari
Lu sonnu m'arrubbasti ni la notti
Si' muddicusa comu 'na castagna
E manni oduri priziusu e vanu
'Na vota ti tuccai ch'era vicinu
L'oduri mi lassasti 'nta li manu
Pensa si ti tuccassi di cuntinuu
Sarìa comu lu pisci 'mpintu all'amu
E s'iu fussi malatu, lu mischinu
Bedda vidennu a tia ritornu sanu
Vurria di lu to sangu cincu stizzi
E di la to cammisa du' sfilazzi
Vurria du' fila di 'sti biunni trizzi
Pi farinni catini, magli e lazzi
Mi 'ncatininasti tu cu li to trizzi
Mi 'ncatinasti cu 'sti duci lazzi
Cunfusu sugnu di li to billizzi
Sugnu lu megliu capu di li pazzi
Rosa ca si' 'na rosa di jardinu
Agri e duci comu 'na lumia
Quanti biddizzi ti desi to mamma
E ti li desi pi 'nciammari a mia
'Un fari comu a mia ca cci 'ncappai
E sulu ora mi trovu a la stranìa
Ma chi ti cridi ca ti dugnu l'arma?
L'arma la dugnu a Diu, lu cori a tiaquann...

Поcмотреть все песни артиста