La brise y épouse champ' d'canne
La frais y dort si la montagn'
Larme y roul' dans mon zié
Comme la mer y roul' galets
Mon larme la po coulé
Et la brise 'ssaye fait séché
Lo temps lé comme in fénoir
Y passe épais comm' in brouillard
Li a'rale à moin si in terre mortel silence
Direct dand' désespoir
Dand' fait noir la souffrance
Lo temps y devient pli frais
Lo temps mais li vé pas changer
Queq'part dans le monde présent
Entouré flér entouré lo sang
In marmaille y sa pousse in cri
S'ra pas le dernier de sa vie
Ecoute
Ecoute à moin mon z'enfant
Papa té vé pas écout' momon
Son p'tit causement mentér
Moin té en l'air l'amour té doux
Lo ker lo corps té sonne
Dand' kér maldonne filasse la boue
Oté
Oté pardon bon dié
Oté mais ça la pas in péché
Moin la pér l'arajufa
Mais li la finn' arrivé
In marmaille y plér là-bas
Li la po réclam' de lait
Mon kér
Comme in feill' dans l'ouragan
Mon lév y tremb' semb' l'émotion
Mais que li soit noir ou blanc
Li sera touzour mon z'enfant
Même si po la fêt' des pères
Mon kér va saign' ec doulér
Lo temps
Mais y vé pi changer
Lo temps
Mais li devient pli frais
Tout ça y'agrandi mon pér
Té lé comme in zembrocal
Mais li pé pas arrosé
Arrosé la flér di mal
La brise y épouz' champ d'canne
Lo vent la pli soleil la pou bataille
Larme y roul' dans mon zié
Et la mer y caresse mon pied
La line y fait mont' la marée
Lé trop tard pou regretter
Quand la brise
Té y épouz' champ d'canne
Quand la frais
Té y mét' si la montagne
Boug' zoreil dand' tribinal
Ec son l'artic' son code pénal
Li la d'mand' à moin vingt mille francs
Sinon moin néna po 20 ans
Et boug' la
Y té y défoul' bien
Qui cafrine la conni son zeu' d'rein
Comme lave dessi la neige
Li l'a bril' mon répitation
Li fait march' à moin tête baissée
Li la fait plér mon momon
(Flér malér oh)
(Flér malér ça)
(Flér malér oh)
(Flér malér ça)
Comme lave dessi la neige
Li l'a bril' mon répitation
Li fait march' à moin tête baissée
Li la fait honte mon nation
Non non non moin mi vé pas
Non boug' en noir mi prétend pas
Pas besoin fait prise de sang
L'avait caf' malbar 'ec mizilman
Mi flip' pas dans l'embarras
Mais marmaille là n'a 6 papas
(Flér malér oh)
(Flér malér ça)
(Flér malér oh)
(Flér malér ça)
Fénoir la finn' rentrer
L'argent procès pas po koméla
M'a pose marmaille la case zot mémé
Moin n'a rendez-vous semb' son papa