Génération l'an 2000,
L'horloge la pa loin sonné.
Le temps lé courte i défile,
Jési-Christ pa loin artourné.
Apocalypse 11.15
Septième trompette la sonné.
Son Eglise sera enlevé,
Sat Jési li po di li po fé.
1 Thessaloniciens 4 16-18,
Li sera dessi un nuée.
Pou gaingn' la vie éternelle,
Il faut nous na leçon bon Dieu.
Na un nation va élève contre un nation,
Na un royaume va élève contre un royaume.
Nora grand bataille, parents va livre zot marmaille,
Oui nora la trahison, la guerre, la famine ek le sang.
Sera plein fé divers, la guerre la fin' commencé.
Ti connais l'ignorance, i défend pas les choses arriver.
Bordage la mer, un boug lé mort ek requin,
Néna chomèr i fé la grève la faim.
Dan' péi là bas, i dit la terre la tremblé,
I dit néna raz de marée, la mort lé là lé sérié.
Ici là dans les hauts, na un boug lé mort dans brouillard,
Na point personne la vi, té i prétend té i fait noir.
Lé plein i dit, la Bible c'est l'homme la écrit,
Zot i croit Saint Thomas, mais zot i croit pas Jési-Christ.
La science i koze fort, néna touzours un problème.
Kosa na après la mort, ek sa lé plein i blasphème.
Jési-Christ va koze ek ou, si ou vé écoute à li.
Li dit à ou sort dans la boue, oubli ton philosophie.
Donne mon ami, donne donne ton kèr à Jési,
Poukwé twé la pèr, na point personne lé pli fort kli.
Dans livre la vie, Li va écri ton nom.
Dans livre souvenir mes amis, li efface tout sa la pa bon,
Nous va chante alléluia, pou nouté papa l'Eternel,
Kom di papa nouveau né, nou va boire de lait sembl' de miel.
(Bis).