Févriyé 1812, Eli,
Si parvi la katédral Sinn-Ni,
Transformé an trébinal, pou lo prosé bann révolté Sinlé
Zordi nou lé la pou in zizman
Dann katédral lo san
Kondané pou avwar pans otroman
Dann trébinal pro-blan
Nou va rès fiér
Dobout dovan nout bouro
Sat lé vinkér
I tonm pa forséman lo éro
Zizé pou in révolt lémansipasion
Pou pran nout vi an min
Zizé pou avwar angant la robélion
Pou rodrès nout déstin
Pou lo pèp nwar na okin valér zot zistis
Linstin barbar i san la sarony kolonial-rasis
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
In déstin malizé va nni in somin galizé
Ariv sak pou arivé, nou rogrèt pa
Lo batay nou la fé
Apré nou, nora dot va fé lo pa
Nora dot va lévé
Fé konfians zot lonér pou alé trap zot bonér
I fo pa zot la pér
Zot lé bann Maronér
E minmsi nou, nou lé dékapité
Nou bann zidé va viv
Nout lidéal va kontinié avansé
Sé sa i fo nou kiltiv
I fo fé linité kont tout bann vanpir
Zésklavazis Anglé Fransé an vanpir
Lo kolon abizér, pou li èt anlér
Fo li mintyin nout mizér
Pou li protèz son bann privilèz
Fo lo pèp i rès prizopièz
Afors fatig azot forstan rékolté
Zot i fini par krwar k'sé zot la planté
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
In déstin malizé, va nni in somin galizé
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
Nout zétwal an lér li va klér
Lo somin zot dinité
Nout san li va koul dan la tér
Pou fé pous la libérté
Si pa domin, sar apré domin
Ti pa tipa, nou va rouv in somin
Si pa domin, sar apré domin
Ti pa tipa, nou va rouv in somin
Si pa domin, sar apré domin
Ti pa tipa, nou va rouv in somin
Si pa domin, sar apré domin
Ti pa tipa, nou va rouv in somin