Lo romani n'es pas la menta
Ni la menta n'es pas la sirventa
Ni la serventa lo vailet
Ni una bleda n'es pas un caulet
Un caulet n'es pas una bleda
Un moton n'es pas una feda
Ni una feda un moton
Ni una filha n'es pas un garçon.
♪
Un garçon n'es pas una filha
Ni una filha una quilha
Ni una quilha n'es pas un quilhon
Ni una mina n'es pas lo credon
Lo credon n'es pas la mina
Ni lo gal n'es pas la galina
Ni la galina n'es pas lo gal
Ni la cabana n'es pas un ostal.
♪
Un ostal n'es pas la cabana
Ni un grapaud n'es pas una rana
Ni una rana un grapaud
Ni una sauma n'es pas caval
Un caval n'es pas una sauma
Ni un balon n'es pas una pauma
Ni una pauma un balon
Ni la fanestra lo fenestron.
♪
Lo fenestron n'es pas la fenestra
Ni lo dedins n'es pas lo resta
Ni lo resta n'es pas lo dedins
Ni una figa n'es pas lo rasim
Un rasim n'es pas una figa
Ni Margot n'es pas Maria
Ni Maria n'es pas Margot
Ni la savata n'es pas un esclop
♪
Un esclop n'es pas la savata
Ni un pesolh n'es pas una pata
Ni una pata un pesolh
Ni una porta n'es pas un varrolh
Un varrolh n'es pas una porta
Ni un garrel n'es pas una torta
Ni una torta n'es pas un garrel
Ni mai la terra n'es pas lo cel
♪
Ni lo cel n'es pas la terra
Ni la patz n'es pas la guerra
Ni la guerra n'es pas la patz
Ni la peira n'es pas lo clapas
Lo clapas n'es pas la peira
Ni la fam la sadolieira
La sadolieira n'es pas la fam
Ni mai la merda n'es pas lo pan blanc