Mauresca Fracas Dub - L'amor de prochi - Lyrics, Similar artists

Kishore Kumar Hits — Mauresca Fracas Dub - L'amor de prochi lyrics

Artist: Mauresca Fracas Dub

album: Cooperativa

Las cigalas fan rampelada
Emplisson l'estiu d'un cant clar,
Nòstras vidas son emmescladas,
Dos camins sus la mema mar,
Doas dralhas au prigond dau país,
Doas sentas pel mond cambiadís,
Dos carrairòls dins lo bartàs.
Sus la rota embartassada
Que fila amont sul Cailar
Nòstras vidas son en virada,
Nòstras amors en plen canhard,
Tu cada jorn, mon paradís,
Tu ma flor, l'estèla d'anís,
Mon oasís en plen ermàs.
Mon oasís, mon potz, mon eissor,
Mon paradís, ma doça doçor!
Luònh dels socits, dolors e repròchis,
Canti las jòias d'un amor de pròchi.
Nòstras vidas esparpalhadas,
Coma l'energia d'un quasar,
Coma a la primièra estelada
De galassias per miliard...
Nòstre passatge fugidís
Dins lo grand sègle movedís
Roge abrandat coma un pintàs.
Dins la tina revolumada
Lo rasim ven puòi un nectar,
Una alquimia encantada
L'equilibri doç e amar,
Aquí lo grand barrejadís
Siái ton aimant, trobairitz,
Ton peu lisc, lo solaç.
Mon oasís, mon potz, mon eissor,
Mon paradís, ma doça doçor!
Luònh dels socits, dolors e repròchis,
Canti las jòias d'un amor de pròchi.

Поcмотреть все песни артиста