Neǧǧa-awen lxiṛ ma d-yettfaka
Amek ara nettu tin tewwi tnafa?
D tafennant-nneɣ i d-yekren di lmeḥna
Ṛebbi ad yeṛḥem tucbiḥt Ḥnifa
D tafennant-nneɣ i d-yekren di lmeḥna
Ṛebbi ad yeṛḥem tucbiḥt Ḥnifa
Neǧǧa-awen lxiṛ ad nbeddel lhawa
Ṣṣifa n lbaz, taɣuct n zzedwa
D afennan-nneɣ, d ameqran yeswa
Ṛebbi ad yeṛḥem Zeṛuq Ɛellawa
D afennan-nneɣ, d ameqran yeswa
Ṛebbi ad yeṛḥem Zeṛuq Ɛellawa
Neǧǧa-awen lxiṛ, Neǧǧa-awen slam
Isken-aɣ-d tafat ɣas yemmut deg ṭṭlam
D afennan-nneɣ ur nettekkes deg zzman
Ṛebbi ad yeṛḥem Sliman Ɛazem
D afennan-nneɣ ur nettekkes deg zzman
Ṛebbi ad yeṛḥem Sliman Ɛazem
Neǧǧa-awen lxiṛ, ifuk uɣenni
D mmis n wedrar yexsin am yitri
D afennan-nneɣ yemmuten ur neẓri
Ṛebbi ad yeṛḥem Ḥsen Mezani
D afennan-nneɣ yemmuten ur neẓri
Ṛebbi ad yeṛḥem Ḥsen Mezani
Neǧǧa-awen lxiṛ, ad nebdu tikli
Yeffeɣ ɣer wedrar, d mmis n tlelli
D afennan-nneɣ, d argaz, d afeḥli
Ṛebbi ad yeṛḥem Ccix Farid Ali
D afennan-nneɣ, d argaz, d afeḥli
Ṛebbi ad yeṛḥem Ccix Farid Ali
Neǧǧa-awen lxiṛ, ad nebdu amerreḥ
Amek ara tt-nettu, isem-is yessefṛaḥ?
D tafennant-nneɣ, fell-as ul yejreḥ
Ṛebbi ad yeṛḥem Bahia Faṛaḥ
D tafennant-nneɣ, fell-as ul yejreḥ
Ṛebbi ad yeṛḥem Bahia Faṛaḥ
Neǧǧa-awen lxiṛ ay ideflawen
Yeḥwaǧ, yessawel-d, ur s-yesli yiwen
D afenan-nneɣ, deg wedrar εlayen
Ṛebbi ad yeṛḥem Ccix Uzellagen
D afenan-nneɣ, deg wedrar εlayen
Ṛebbi ad yeṛḥem Ccix Uzellagen
Neǧǧa-awen lxiṛ, ad nefṛeq yid-wen
Yeggul ur yeḥnit, tuɣalin dayen
D afennan-nneɣ, d amɣaṛ n yimɣaṛen
Ṛebbi ad yeṛḥem Ccix Bu-yizgaren
D afennan-nneɣ, d amɣaṛ n yimɣaṛen
Ṛebbi ad yeṛḥem Ccix Bu-yizgaren
Neǧǧa-awen lxiṛ, tfuk tmeɣṛa
Xas ma ur ten-id-nebdir, deg wul ur te-nettu ara
D ifennanen-nneɣ s yes-sen i nella
Ṛebbi ad asen-yeεfu, ad ten-yerḥem meṛṛa
D ifennanen-nneɣ s yes-sen i nella
Ṛebbi ad asen-yeεfu, ad ten-yerḥem meṛṛa
D ifennanen-nneɣ s yes-sen i nella
Ṛebbi ad asen-yeεfu, ad ten-yerḥem meṛṛa