Liat matanye, liat wajahnye.
Liat senyumnye, begitu indahnye.
Tutur katanye, lembut belainye.
Kasih sayangnye, tulus adanye.
Entulah Enyak, yg ngejaga slalu.
Dari kecil ampe dewase ngerawat dengan cinte.
Kasih sayangnye gak bisa digantiin.
Oleh apapun gelang emas atau cincin.
Belaian yg nenangin disaat tangisan.
Suatu kecil aye selalu diberi perhatian.
Dibimbing, dijaga dengan ape adenye.
Ngebling-bling walau hidup tapi tetep dimanje.
Dari kecil aye disayang, digendong, dimandiin, disuapin, ampe tidur dikelonin.
Enyak gak banyak yg bise aye bilang.
Makasih atas kasih sayangnya yg gak akan pernah hilang.
Enyak, satu hati, satu cinte.
Satu-satunye didunie.
Arti Enyak buat aye segala-galanye
Dan berenjak remaje, Enyak masih aje.
Ngedidik aye dengan penuh cinte.
Supaye rajin sekoleh dan tetep rajin ibadeh.
Biar aye sukses entar masa depannye.
Gak keluar arus, gak keluar jalur.
Hidup tetep lurus, biar kaga ancur.
Itulah pesannye dari Enyak.
Harus dipatuhi kate-kate Enyak.
Karene Sorge dibawah telapak kakinye.
Karene Ridha Allah ntu juge Ridhanye.
Mangkenye kite kudu berbhakti.
Karna Enyak ngerawat kite sepenuh Hati.
Jangan pernah ngelawan jangan pade ngebantah.
Kalo idup kite kaga mau susah.
Enyak, Emak, Ibu apepun sebutannye.
Tetep same semue kasih sayangnye.
Enyak, satu hati, satu cinte.
Satu-satunye didunie.
Arti Enyak buat aye segala-galanye
Jadi anak jangan minta duit mulu.
Kerja woi, jangan pada tidur mulu.
Kasian Enyak udeh kerja banting tulang.
Lo malah enak-enakan ngabisin uang.
Sekolah dah yg rajin biar pinter.
Kalo bandel tobat deh jadi bener.
Biar ga blangsak terus elu minder.
Inget pesen Enyak biar kaga keblinger.
Enyak, satu hati, satu cinte.
Satu-satunye didunie.
Arti Enyak buat aye segala-galanye