Do steckt bluat in mein handy
Mitten im dschungl a riesenvilla
Umgebn von stochldrahtzaun
Bis aun de zähnt bewaffnete killer
Durch schwoaze sonnenbrilln schaun
Olle sortn von luxuschlitten
A wasserfall zum swimmingpool
Rebellen nennen sich diese banditen
Und der belgische vizekonsul
Hot aum schoss a zehnjährigns madl
Gin tonic in da linken haund
De rechte greift zwischen de wadl
Und suacht das gelobte laund
Do steckt bluat in mein handy
Und zu weihnachten spend i
Mei uroides handy
Für nachbar in not
Wia ameisn buddeln tausende sklaven
Manches loch wird zum eigenen grob
Totenschiffe woatn im hafn
Damit i boid a neuchs handy hob
Bei vierzig grad mit an becher wossa
Bis zu sechzehn stunden aum tog
Unter der aufsicht von menschnhossa
Leben nur von tag zu tag
Erschossen erschlagen zerstücklt zerhockt
Millionen leben vernichtet
Host du dein handy schon amoi gfrogt
Warum über des niemand berichtet
Do steckt bluat in mein handy...
Erdöl kupfer und diamanten
Edles holz kobalt und uran
Stosszähnt von nashorn und elefanten
Des wichtigste is fia olle coltan
Missbraucht vergewaltigt gefoltert entführt
Kinder und frauen in not
Ihr schicksal genauso wenig berührt
Des bluat is bei olle gleich rot
Die trägheit die sattheit die gleichgültigkeit
Jeds joa a neuches modell
Kürzer und kürzer wird sei lebenszeit
Dafür gengan menschen durch d höll
Do steckt bluat in mein handy ...