Freiheit du bist wunderboa
Waun in da frua de gschäft aufsperrn
Is er ois ersta do
Sein mogn knurrt er hätt gaunz gern
An dschob in an büro
Oder wenigstens a klanigkeit
A semml mit kafffee
Und net des schreien ausn gschäft
Geh sandla schleich de geh
Haut wer an euro in sein huat
Do glänzen seine augn
Und womöglich heast eam du
Ganz leise danke sogn
Bleibt er zu laung aum gleichn fleck
Kummt schon de polizei
Er kriagt a straf a waun er geht
Bei uns san olle frei
Freiheit du bist wunderboa
Freiheit du bist schee
Wer se ka freiheit leisten kan
Der muass bettln gehn
Freiheit du bist wunderboa
Bist fia olle gleich
Weu hungern deaf a jeda
Ob er oam is oda reich
Vielleicht bist du ois nexter draun
Es geht da nimma guat
Stehst in da kötn glei nebn eam
Mit dein spendenhuat
Du schlofst im park auf ana baunk
Aum himml tausend stern
So bleibst du frisch und wirst net krank
Und olle hobn di gern
Freiheit du bist wunderboa
Freiheit du bist schee
Wer se ka freiheit leisten kan
Der muass bettln gehen
Freiheit du bist wunderboa
Bist fia olle gleich
Weu hungern deaf a jeda
Ob er oam is oda reich
Text: maron/nussböck
Musik: maron