Roland mei freind
Roland mein freind heit hob i aun di denkt, a bessera wöt des woar unser zül
Nächtelaung samma umanaunda ghängt und oft noch an hoatn fuassboispü
Hobn ma gstrittn, gschrian und diskutiert, bei an wodka und a boa kistn bier
Wos moch ma dass de wölt endlich bessa wird, wos tuan gegn hochmut, geiz und gier
Wor ma daun endlich alle richtig fett
Und hobn de kötn nimma gspiat
Daun homa gschrian oida heast du mi net
Woat ma bis da flieda wieda bliat
Für freiheit und frieden hob ma demonstiert, i denk aun zeltweg, de draken und des heer
So wia mas gsogt hobn genau so is a passiert, des glumpert fliagt längst nimma mehr
Dafia hobns gebrauchte eurofighter kauft, de drecksau schüssel und de schwoaze bruat
Da militär bischof hot de fliega tauft, mit wossa net mit sein eignen bluat
Daun woama aus frust a scho wieder fett
Hobn de kötn nimma gspiat
Wieda homa gschrian oida heast du mi net
Woat ma bis da flieda wieda bliat
Drei mandate im gemeinderat
Hobts miteinanda gschofft
Mit deine freind des klubhaus baut
Olle neider lügen gstroft
Roland
Wor ma endlich alle so richtig fett
Und hobn de kötn nimma gspiat
Daun homa gschrian oida heast du mi net
Woat ma bis da flieda wieda bliat
Roland net nur bei mir wor de aungst, a so a ahnung und a bledes gfühl
Olle hobn ma ghofft dass du di wieder faungst, so weit weg von unserm lebenszül
Brown sugar hob i zum singa probiert, i wass des wor dei lieblingsliad
Waun du di wieder um a lebn bewirbst, stirb net bevor da flieda wieda bliat
Und mia gengan fria net ins bett
So laung de plottnnodl gliat
Daun schrei ma oida heast du mi net
Woat ma bis da flieda wieda bliat
Text und musik: maron