Drei Philosophen
Sitzen beim Ofen und reden
Wem g'hört de Wöd?
Nur denan mit Göd?
Oda an jeden?
Wem g'hört des Brot?
Wem g'hört de Wurscht?
Wem g'hört da Hunger?
Wem g'hört da Durscht?
Wem g'hört des Wasser?
Wem g'hört da Wein?
Wos is gerecht?
Wos is gemein?
Grau is da Nebel
So grau wia i
Grau is de Leben
Und de Theorie
Da Exekutor
Hockt dir im G'nack
Und du bist
In der Rue de la Gack
Drei junge Soidoten
Auf ana Granoten spiel'n Karten
Wer kummt in d'Grubn?
Und wer muass bis morgn
No warten?
Wer wird im Fried'n
Glücklich und alt?
Wer kriagt mit'm Kriag
Tod und Gewalt?
Wer is oft kraunk?
Wer is' immun?
Wer kriagt den Schatten?
Wer kriagt de Sunn?
Grau mocht den Himmel
Die Schwerindustrie
Grau is des Leben
Und de Theorie
Da Exekutor
Nimmt si dein Frack
Und nockat bist, hehe
In der Rue de la Gack
Drei Spekulanten
Neben an Hydranten die beten
Wer wird des zahlen
Waunn d'Aktien fallen?
Und wen wird ma retten?
Wer lebt im Luxus?
Wer muass si plagen?
Wer revoltiert?
Wer wird daschlogn?
Wer hängt au'm Baum
Nockat und bleich?
Wea kummt g'sund ham?
Wea ois a Leich?
Grau und verstaubt
De Atomenergieie
Grau is des Leben
Und de Theorie
Schreib auf de Tür
Mit an goidanen Lack
"Herzlich willkommen
In der Rue de la Gack"
Drei oide Dichter
Mit todernste G'sichter de dicht'n
Für Ignorantn
Für oide Tanten
Saumt Nichten
Wer macht's von vorn?
Wer macht's anal?
Wer regt si auf?
Wem is' egal?
Wer kämpft heut no
Für a bessare Wöd?
Wer hot den Dreck?
Wer hot des Göd?
Graue Studenten
Der Philosophie
Grau is des Leben
Und de Theorie
A bissl frustiert
Brichst da dein G'nack
Und so bleibst für immer
In der Rue de la Gack