Kennst du des Haus wo aum
Tog tausend Liachta brennan
Kennst das no net nau
Kumm i lern es dir kennan
Schau ihn dir von innen
Und von aussen aun
Den fensterlosen Bunker
Aus Eisn und Beton
Kumm gemma eine
In den Glückspalast
Wo aun jeda Eckn
Des Glück auf di passt
Ka Windstoss plogt di
Und ka Regntropfn
Do drin hoist da
Sicha kan Schnupfn
Weit und breit siechst
Ka Hundstrimmerl
Nirgendwo stört di
A Demonstrantenwimmerl
So hob i mas vurgstöllt
Des Paradies
Des is da Plotz wo da
Kunde no König is
Zwor kaunnst da aum Heisl
Deine Händ net woschn
Dafir hörst im Hintergrund
An Brunnen rauschn
Und von olle Seiten
Überfoit di de Musik
Des is des anzig
Wohre Einkaufsglück
Nur wos is mit de Leit
De des Glück do verkaufn
De von da Frua bis auf d'Nocht
Im Kunstliacht dasaufn
De fuchzehnhundert Sklavn
Der Einkaufswägn
De kennan des gaunze Johr
Kan Sonnenstrahl segn
Dafir homs tausende
Von Liachta brenna
Und da Mensch kaun si bekaunntlich
Aun ollas gwöhnen
Ohne Fenster do derf ma
Ka Hundshüttn baun
Nur da Mensch jo da Mensch
Braucht aum Menschn net schaun
Ane von de tausendfünfhundert
Draht durch
Und vazicht auf de gaunze
Glückseligkeit
Sie springt auf an Verkaufstisch
Und hurch sie schreit:
Warum feiern mir net
Jo warum feiern mir net
Jo warum feiern mir net
De Sunn haums begrobn
Mitsaumt an Einkaufswogn
De Sunn homs begrobn
Mitsaumt an Einkaufswogn
A deitscha Gost mant freindlich
Mensch die is ja doof
A Einheimischer schreit Oide bitte
Schleich di noch Stanhof
Und weida gengans
De wirklichen Norrn
Und hoffn dass sa si do drin
A poor Schilling dasporn
De Rettung führt de ane
Glei drauf noch Stanhof
Durt schreit sie weida
Nie mehr find i an Schlof
Und frogt an jedn
Bei Tog und bei Nocht
Bitte sog ma
Wer hot de Sunn umbrocht
Bitte sog ma
Wer hot de Sunn umbrocht
Wer hot de Sunn umbrocht