Leo liegt im Gitterbett
Seit an hoibn Johr
De Leit sogn, wos da Leo redt
Is ollas gor net wohr
Leo hätt an Engel g'segn
Mittn in da Nocht
Auf der Wölt kaunns kan Engel gebn
Zum Dokta wird er brocht
Und des Amtsarzts Diagnose
Riecht verdächtig nach Psychose
Lossts mi wieda aussi
Lossts mi wieda ham
I möcht wieda Blumen segn
Und Vogerl in de Bam
Waun da Dokta in Leo frogt
Host echt an Engel g'segn
Nickt er mit seim Kopf und sogt
Im Bett do bin i g'legn
Wäu des Fensta offn wor
Is da Engel einag'flogn
Schuitalaunge goidne Hoor
Mehr kaunn i net sogn
Und da Engel locht mi aun
Wia nur a Engel lochn kaun
Lossts mi wieda aussi
Lossts mi wieda ham
I möcht wieda Blumen segn
Und Vogerl in de Bam
De Wissenschoft hot längst geklärt
Dass es kane Engel gibt
Soiche Wissenschoftla san nix wert
Sogt Leo und wird wüd
A Pfleger eam a Puiverl gibt
Damit er si beruhigt
Da Pflega is net unbeliebt
Und er is a net schuid
Dass Gitta vor de Fensta san
Damit ka Engel zum Leo eine kaun
Lossts mi wieda aussi
Lossts mi wieda ham
I möcht wieda Blumen segn
Und Vogerl in de Bam
Lossts mi wieda aussi
Lossts mi wieda ham
I möcht wieda Blumen segn
Und Vogerl in de Bam
Lossts mi wieda aussi
Lossts mi wieda ham
I möcht wieda Blumen segn
Und Vogerl in de Bam