Imma waunns zum Essn is
Kummt d'Mizzitant
Ah bei eich riachts heite guat
Da Papa hert ihr Stimm
Rennt aufs Klo und want
De Mama sogt geh leg do ob dein Huat
De Mizzitant setzt si zum Tisch
Ah heit gibts schon wieda an Fisch
Mit Reis und Erdapflsalot
Greift mit d'Finga eine
Wird dabei net rot
So gehts jedn Suntog
Wauns zum Essn is
Da Papa mant
Waun i's amoi dawisch
Vasteck i da Mizzitant
Ihr Gebiss
Owa de frisst a
Ohne Zähnd ihrn Fisch
Mizzitant, Mizzitant
Siechst net wia da Papa want
Mizzitant, Mizzitant
Siechst net wia da Papa want
Wos der want schon wieda
Nau do setz i mi no amoi nieda
Und wort aum Kaffee
Der hasst heit gor nix, au weh
Draht sie um zur Mama, sogt
Host net a Hendl
Und a poor Eia
Du de blaue Schiazn da
Wor de recht teia
Sag, wos is denn da mit dem
Kirschnkompott
Und woher host des
Frische Bauernbrot
San de Kropfn
Eh no net oit
Und is der blede Pudding
Schon boid koit
Brauchst du des
Weisse Kladl
Du des passat
Mein Madl
Zur Firmung kriagts
Von dir a Uhr
Schreit da Papa
Jetzt is owa gnua
Reiss ob und vaschwind
Kumm jo nimma her
Do nimm no fir dein Kind
Den neichn Teddybär
Mizzitant, Mizzitant
Siechst net wia da Papa want
Mizzitant, Mizzitant
Siechst net wia da Papa want
Tief gekränkt steht auf
De Mizzitant
Na bei eich is
Heit net guat
Nimmt a Schochtl
Wos des Klumpat eineramt
Setzt si auf
Ihrn schiachn oidn Huat
Sogt des hobe ma
Wirklich net vadient
Da Papa greift um d'Hockn
Und gschwind
Is de Mizzitant
Drausd bei da Tür
Nächstn Suntog
Herts ihr wieda von mir
Schreit si zruck
Von da Gortntür
Mizzitant, Mizzitant
Siechst net wia da Papa want
Mizzitant, Mizzitant
Siechst net wia da Papa want
Mizzitant, Mizzitant
Siechst net wia da Papa want