Koit is mei Zimma
Koit is in mir
S'Hamweh wird schlimma
Ka Mensch redt mit mir
Zwa eia san z'saumg'haut
De kaunn i jetzt zoihn
Aunbrennt is des Rotkraut
A frischs muass i hoin
Graue Erdäpfeln schöln
Von da Frua bis z'Mittog
Kompottdosn zähln
I a nimma mog
Den Dreck wegga putzn
Den Ofn poliern
In de dünnen Nylonstutzn
De Fiass ma dafriern
Koit is mei Zimma
Koit is in mir
S'wird imma schlimma
S'Hamweh bei mir
A Koch und a Kellner
Des soi wern aus mir
A Koch der muass blad sei
Oba i bin spindldirr
Mei Muada is weit weg
Sicha is ihr a wurscht
Ob i lieg in mein Scheissdreck
Oda sauf üba'n Durscht
Zu d'Grosseltern wüll i
Wäu durt bin i daham
Mit de Kinda durt spül i
Reiba und Gendarm
Koit is mei Zimma
Koit is in mir
S'wird imma schlimma
Des Hamweh bei mir
Ka Mensch für mi Zeit hot
Bei kan derf i bleibn
Wia schlog i mei Zeit tot
I glaub i muass speim
In da Fremdn a Lehrbua
Mecht i nimma sein
Aufs Kochn do scheiss i
Und sing den Refrain
Koit is mei Zimma
Koit is in mir
Es wird imma schlimma
Des Hamweh bei mir
Koit is mei Zimma
Koit is in mir
S'wird imma schlimma
Des Hamweh bei mir