Cu'sta faccia areto 'e llastre guardo 'nmiezo 'a via
Ma nun po' trasì cchiù luce dint'a ll'uocchie mie...
Uocchie 'e femmena
Uocchie 'e femmena
Ll'orizzonte è scumparuto tale e quale a mmè
Ca mettevo 'ncopp'o ffuoco 'e mmane mie pe ttè
Mane 'e femmena
Mane 'e femmena
Tutt'o legno e tutt'e croce l'he lasciato a mmè
Tutt'e suonne l'he nascoste e nun m'e faje vedè...
Suonne 'e femmena
Aggio sempre fatto ammore cu sensualità
Chistu core nun teneva cchiù sanghe a te dà...
Stu core 'e femmena...
Addò è c'aggio sbagliato?
Addò è c'aggio mancato?
Forse troppa nnammurata
Io so' stata e te...
Comme acqua dint'a ll'acqua
Nun se scioglie stu dulore
Ca me astregne sott'o core
Core 'e femmena...
Cammenavo 'int'a st'ammore senza maje capì
Ca ogni passo se purtava chesta vita mia
Passo 'e femmena
Passo 'e femmena
Ogni suono ch'era bello mo' è na letania
E che brutta notte sta scuranno 'o tiempo mio...
Notte 'e femmena
Notte 'e femmena
Io m'arrampicavo 'ncopp'o specchio pè saglì
Addò 'o munno era fernuto e steva pè murì
Munno 'e femmena
Aggio sempe fatto ammore cu sensualità
Chistu core nun teneva cchiù sanghe a te dà...
Stu core 'e femmena...
Addò è c'aggio sbagliato?
Addò è c'aggio mancato?
Forse troppa nnammurata
Io so' stata e te...
Comme acqua dint'a ll'acqua
Nun se scioglie stu dulore
Ca me astregne sott'o core
Core 'e femmena...
Hanno scritto: "Nun se more d'ammore
Doppo a pioggia torna a nascere 'o sole"
Però io mesento 'e murì
'Stu dulore nun vò cchiù fernì