Cheikh El Hasnaoui - Am Eddhuh - Lyrics, Similar artists

Kishore Kumar Hits — Cheikh El Hasnaoui - Am Eddhuh lyrics

Artist: Cheikh El Hasnaoui

album: Femmes, Amour Et Au-Delà

Asmi i nella d igerdan
Nelleɛb sdat n tebburt
Tura ferqen-aɣ imawlan
Ḥesben leɣram-nneɣ yemmut
Lesnin ass-a ɛeddan
Ur kem-ẓriɣ ur ẓriɣ tamurt
Ma d lexber medden slan
Nemḥemmal a lbaz amectuḥ
Ṣber ṣber a mm-ddḥuḥ
Ur ttamen mi i am-nnan iruḥ
Nefka lɛehd gar-aneɣ
Wa ur itettu wayeḍ
D kemm i ḥemmleɣ, deg-m ɛecqeɣ
Ma yebɣa Ṛebbi ad nemssaweḍ
Ṣebreɣ a taḥnint ṣebreɣ
Leḥdada n lḥubb nessaweḍ
Helkeɣ deg wul nṭerreɣ
Zzher-iw yehlek iruḥ
Ṣber ṣber a mm-ddḥuḥ
Ur ttamen mi i am-nnan iruḥ
Ma tettuḍ-iyi nekk cfiɣ
Iɣimi-nneɣ lwaḥid
Mi kem-id-mmektiɣ, ččiɣ, swiɣ
Deg lḥubb-im kul ass d ajdid
Yid-m timlilit ttmenniɣ
A taḥrart yelli-s n lǧid
Ɣer sidi Ṛebbi ttɛenniɣ
Ad d-yaweḍ was-nni amerbuḥ
Ṣber ṣber a mm-ddḥuḥ
Ur ttamen mi i am-nnan iruḥ

Поcмотреть все песни артиста