يا الشمس دخيلك بالله يا اللماعة
خبريني وعلاش لقاك ما يدوم
كل يوم عليّ بنشوف الصباح طلاعة
في لقاك نفاجئ الأحزان والهموم
كي الذهب خيوطك على الأكوان سطاعة
مزوقة كل الكائنات بالرسوم
مزوقة كل الكائنات بالرسوم
الغواني وبدور الزين ليك ركاعة
كي تطلي تدرك القمر والنجوم
وكي تطلي تدرك القمر والنجوم
يا خسارة ديما وقت الغروب خداعة
تفارقيني من غير وداع كل يوم
يا حبيبي نهدي لك هذا الجواب دماعة
دخيل عنك من بعد اليوم لا تلوم
شوف حالي في ساعة الوداع شفَّاعة
وفي عوايد وقت الفرقة يجي نشوم
طول ليلي نرجى وقت الشروق بالساعة
ساهرة وعياني مشتاقة النوم
ساهرة وعياني مشتاقة النوم
في أكبادي تشعل نار الفراق ولاعة
والفراق مشربني كأس السموم
والفراق مشربني كأس السموم
يا حبيبي راد المكتوب ولازم الطاعة
كل واحد في بحر غرامه يهوم
♪
آآآه
♪
يا الحبيبة ياك أوقات الأفراح سراعة
والفراق يجي وقتو بالعذاب سلوم
يا الحبيبة أنتي للغيار متاعة
قاصدة غيري كل مساء بلا لزوم
مشوقة محبوبك في كل يوم وداعة
ورايحة لمراسم الغير كل يوم
رايحة لمراسم الغير كل يوم (كل يوم)
يوم تظهر لي بعد الفراق سطاعة
ويوم يا محبوبة تخفيك الغيوم
ويوم يا محبوبة تخفيك الغيوم
ومتى نبقاو لمر الرصود تباعة
ومتى نتهنى من الصد والهموم
هكذا مكتوبي مرسوم يا الحبيب
قاسمة قلبي بين اليل والنهار
في الصباح نجيك وفي المساء نغيب
رايحة للمكتوب في قليبي نار
شاغلة قلبي من الحب والنصيب
يا حبيبي كيفاش ندونو القدر
يا حبيبي كيفاش ندونو القدر
شوف حالي في الملقى زيني عجيب
في المساء عند الفرقة لوني صفار
♪
آاااااه آااااه
هكذا يا الأحباب نعيش في لهيب
هكذا نبقى بين اليل والنهار
يا درى ربي يفرج و يزهى القليب
على المحبة نسعد ويزول الغيار
♪
إن شاء الله يا ربي تجمع شملنا
نخبل الفل على غصن الياسمين
يا الله تجمعنا في العز والهناء
تصوننا وتخلينا متحابين
♪
إن شاء الله يا ربي تجمع شملنا
نخبل الفل على غصن الياسمين
يا الله تجمعنا في العز والهناء
تصوننا وتخلينا متحابين