Fratelli Mancuso - Sacciu Chi Parli a La Luna

Kishore Kumar Hits — Fratelli Mancuso - Sacciu Chi Parli a La Luna lyrics

Artist: Fratelli Mancuso

album: Cantu

Sacciu chi parli a la luna
E idda t'ascunta
Ogni notti a chist'ura
Bella signura
Ci cunti forsi d'un tempu
Remotu e duci
Di quannu tuttu era un cantu
Chiaru e felici
Grapiti, grapiti, grapiti
Cara finestra di l'anima
Cent'anni aspittatu haiu
E centu ancora aspettu
Si lu purtaru un ghiornu
Ferru e catini
Si li purtaru di notti
Ah! Pungenti spini
Si lu purtaru pi mari
Tri varchi ranni
Tri varchi ranni nun foru
Nun foru bastanti
A reggiri supra l'acqua
Lu pisu di lu duluri so
Autri varchi chiamaru e vinniru
E vinniru a spartiri
Lu duluri so un pezzu l'unu
E a ognunu la so parti
Ma era ancora pisanti
E ancora crisciva
E cchiù crisciva
E cchiù a funnu
Ogni varca iva
Fino a chi l'urtima vela
Lenta calava
L'urtima scuma vasava
E po' affunnava
E d'allura iu aspettu
Assittata a 'sti scogli
E a la luna tutti li notti
Ci cuntu la me storia
Di un duluri accussì granni
Chi nuddu po' purtari

Поcмотреть все песни артиста