Ich chönnt en Basketball zur Hand neh,
Doch wenn i Stolz, Ehr und Sport addier,
Wett i nöd scho gad bim erschte Date en Chorb vo dir.
Dualstaffettelauf - da find i s'Timing nöd so erotisch:
Du chunsch ersch richtig in Fahrt wenn min Stab langsam am cho isch.
I Sache Sport bin i ä Pfiife, alles andere wär ä Lüüg,
Doch ich wett trotzdem mit dir schwitze... und du Kandidat drüü?
As sind scho etlichi Feedbacks vu Golfkolleginna iitroffa,
Wo finden, i chönn vu allna aifach am beschta iilocha.
Kai Problem, wenn dr nid grad vu Afang a alles glinga tuat,
I stohn vor di und zaiga diar wia dr Schläger schwinga muasch.
Und bisch du eher dr Feriatyp und fühlsch di nur am Strand munter,
Creme i diar diin Rugga i binara Pausa im Sandbunker!
Also, wenn in äs Gsicht wetsch luege wos no öppis anders git als Nase
Baby, mach der kei Sorge: häsch no zwei anderi Kandidate!
Usserdem isch er äs Landei, wenn er s'Tanzbei schwinge laat,
He, de macht im Takt vo dä Musig Melch- und Dresch-Bewegigä naa!
Au wenn er im Nadelstreifeaazuug vor dim Huus mit Rose chlopft,
Mach em nöd uuf: de Typ hett Stiil, als ober sin Pulli i d'Hose stopft!
Drum gits en Grund, warum er da isch und di reschtlich ziit dihei:
Jedi Frau git em en Arschtritt!...Und was meint's Nr. 3 zum Nr. 1?
I han jo prinzipiell nüüt an Randgruppa uszsetza,
Aber mit därra Ufmachig chönnt är glatt as Huus bsetza.
Siis Tatoo mit därra blutta Frau hät sicher Muat bruucht,
Doch uf siiner braita Stirn gseht das aigentlich zimmli guat us.
Au siini schwarz lackiarta Fingernägel gängten no,
Schlimmer isch, i sitza nid näb ihm, doch schmöck na bis do!
Und was witsch aigentli mit ma 1 Meter 60-Ma go tanza säg?
Na ja, as hät jo no an andara Rival ufem Tanz-Parkett:
Kandidat 1, warum säg ich nai zu Kandidat 2?
I lohn dr Partyservice cho für a Füüfgang-Früahstück im Bett
Und singa "Happy Birthday!" mit em Stevie Wonder im Duett,
Beglaitet vu da Philharmoniker, wo sich in Beschtform presentiaren
Und vor diim Huus a Jaguar mit roter Schlaifa flankiaren.
Und nochdäm i diar diin neu Swimming Pool im Garta zaigt han,
Bring i das alles no mit miiner Überraschig in Einklang.
Denn damit jetzt paff und wäg bisch, gib dr diini Visa zrugg!
Hihi, und Kandidat 1, was machsch du, wo mich beiidruggt?
Um mit Geld um mich zwerfe, müesst i riichi Ärsch läcke.
Doch da ja nur dä Gedanke zellt, cha der ä Cherze uf's Yes stecke.
Das chostet mich knapp eis foifäsechzg und will ich en Schnegg im Sack han,
Lad di no uf ä Fahrt ii i dä Romantik fo nä mä Stadttram.
Bis zu mir hei zwei Franke, denn langts grad um es Haar
Für ä Rose vom Nachbar's Garte und en Chochwii us em Spaar.
Für dich gib ich mis letschte Hemp und wir d'zmal z'tüür mit dir,
Denn chan i vilicht als Spesegeld die Dates vo dä Stüür abzieh!