Toni Lonoce - Intelligenz verpackti Skills über en Beat! Was wotsch meh?
Irgend so en totsch, ee?
Mit fettä Goldkettä und ä Bitch ineme Porsche?
Scheisse! Ich blibe lieber wie nich heisse:
Toni de Ächti,
Wenn's mal nöd so wär, baby, müesst mer schlecht si!
Ich wär dä Rächti,
Um Props z'ernte. Giz ä kei - isch halt Pech gsii!
Trotzdem mach i das, was jetzt au mach,
Wenn i z Spiil eröffne wie dä Buur im Schach.
Nöd für "is-füschtli-Lacher" oder "Händliriiber";
Nur ä Stützi im Hiphop wie für'd Junkies Pfarrer Sieber.
Dä Sieger erntet Ruum und Geld,
Verlürer bliibed echt mit äm Recht zum Antiheld.
Verfecht mini Welt, wenn ich mich grecht zum Mikro meld.
Bi keine vo dene wo, ehner bisst als bellt!
Gäbs im Räp a Hygiena, wär är wohl a Filzluus
Und zainzig, wo an ihm steril wär, wär siin Text, wo Skillz bruucht.
Toni: Geb's im Rap en Chastewage müesst ich immer ine hocke,
Würdi au mal gern di vorne mit dä Grosse s'Huus rocke.
Nai! Gäbs im Räp a Pointa, wär är nidamol a Sparwitz,
Dr blöd Spruch zum falscha Ziitpunkt, wo kai Moral bsitzt
Oder niamert ab ihm lacha chann, will na eh scho jeda kännt
Und gäbs im Räp a Sexorgia, wär är sicher impotent.
Geb's im Rap es Fläschedepot, zahlsch für mich numä netto.
Bring mi zrugg; ich tank mi uf, chum wider gfüllt mit Ego.
Törf i vorstella, Räp, doch nur wenns diar nüüt usmacht:
A Fan vu diar, wo zwor gwohnt isch, dass ma ihn uslacht,
Aber trotzdäm alles git, will är di halt ächt mag.
Doch verwütscht dä Guat wia maischtens a schlächta Tag,
Chann är näbma läära Blatt höchschtens no siin Rotz büüta
Und so bliibt är dr Massa fremd wia vur Air Force One t Kotztüüta.
Är hebt t Wält nid us da Angla, setzt kai grossi Zaicha
Und wenn är Open air uftritt, chunnts sicher grad go saicha.
Ma chann sich froga, vu wo är t Motivation für dä Schaiss härninnt,
Doch scho wenn siis Timing au nur ungefähr stimmt
Und noch zwai Stunda riiflichem Hirna meh uf siim Blatt stoht
Als a durragstrichni Zaila, chasch sicher sii, dass in ihm abgoht.
Und denn fangt är wiider a träuma vumna därba Gig,
Wo är allna andra Räpper Grund zum jung stärba git.
Doch um so meh resigniart är noch somna churza Blackout,
Will är denn nümm an sich, siin Räp und dessa Sinn und Zwäck glaubt.
Àr isch sicher an nätta Typ, nur fählt ihm t Beständigkait,
Obwohl: gäbs im Räp Verchehrskontrolla, wär i ständig brait!
Toni: Geb's im Rap a Chopfstür müesstet's mich iischätze,
Denn wenn ich en Beat beschwätze, chunt's us mir vo ganzem Herze!
Rennie: Gäbs im Räp a Schönhaitswettbewärb, hätt är wenig zlacha,
Denn mit ma Gsicht wia däm vum Göla loht sich schwär Beschtnota zmacha.
Ornithologisch ustruggt: z hässlich Entli und dr Unglücksraab,
Wo kai grüana Zwiig braicht, dafür jeda Unglückstag.
Toni: He! Geb's im Rap en Fiirtig, wür ich massig Gschänkli mache,
I Wachspapier verpacke und Änisguetzli bache.
Rennie: Nai! Gäbs im Räp a Harleyträffa, wär siin Uftritt oberarm
Ohni Liacht an siiner Vespa und Tattoo uf Oberarm.
Zumal nid Born to be Wild, sondern eher khämmt und gäbs im Räp
An IQ-Tescht, wär är näbem Pappa Bear dr gröschti Täpp!