Denkemer mol chli an früener, erinnere mi as bitz zrugg...
I bin ufgwachse im Dreck, mit nüt im Gepäck.
Mini Muatter verschuldet, mina Vatter aweg.
Scheidigskind, einsam, Schlüssel um de Hals,
Allei ufem Spielplatz, sitza uf dr Bank.
Erträum mer e Realität, imaginäri Kollege,
Rede mit mier selber zum Erinnerige hebe.
Spöter kriegi es Tonband, losa stundelang,
Wie gfanga, wasi uf das Band gredet han.
Min schwirige Lehrer, so schwirigi Schüeler,
Min schwirigi Weg, so schwirig und nüachtern.
Kenn kai Emotion, gseh nur ds'Mami am hüla,
Wegem Geld, wegen üs, wege allem und nüt.
Spöter werdi verstoh, jetzt bini no z'jung,
Stohn stumm in dr Kuchi und streichla dr Hund.
Nüt in miar drinn und e Leeri im Gsicht,
In miar drin isch en Staudamm vo Träne, wo bricht.
Weni gross bin kauf mer e Wald und es Auto,
Es Schiff, e Computer, e Traumschloss,
En Fuessballplatz willi au no.
Wenn anderi s'schön hend, denn willis au so.
Weni gross bin kauf mer e Wald und es Auto,
Es Schiff, e Computer, e Traumschloss,
En Fuessballplatz willi au no.
Wenn anderi s'schön hend, denn willis au so.
Dussa regnets, i kleb' mit dr Nase am Fenschter,
Im Fernseh lauft DJ Cat, i bin verkältet.
S'Wetter gfallt mer, i bin allei dehei und lese
Und irgendwo liggend es paar Videokassette.
Alien und Rambo, die erschta Film, woni gsehn,
Bin no nit amol zehni, aber erwachsa ir Seel.
Kan hii, woni will, weni will, aber will nit.
Still, wine Windspil, spil nit mit de Kind.
Blib für mi, beschäftig' mi selber,
Muess nit lerna, kann scho lang schriiba und lesa.
Schriba uf ds Papier mini Gschichta zum riifa.
Zehn Johr spöter wird d'Psycholog's nit begriffe.
Kann füf Sproche flüssend, aber reda nit gern.
Dr Witz an dr Sach isch, i hans gar nia glernt.
Mini Muatter verzwiiflet, hebt d'Händ an mis Gsicht.
In miar drin isch an Staudamm vo Träne wo bricht.
Weni gross bin kauf mer e Wald und es Auto,
Es Schiff, e Computer, e Traumschloss,
En Fuessballplatz willi au no.
Wenn anderi s'schön hend, denn willis au so.
Weni gross bin kauf mer e Wald und es Auto,
Es Schiff, e Computer, e Traumschloss,
En Fuessballplatz willi au no.
Wenn anderi s'schön hend, denn willis au so.