Mer werdet all zeme alt und amel fast all werdet zeme alt
Wie min Dad und mini Mum, ich hans plant damals,
Aber anstatt zeme halte, ligge mer nur nebed enad do,
Und mir lueged üs ah, fuck lueg üs mol ah,
Lueg mir lüged üs ah es isch nüt me normal,
Üsi Gfühl fürenand nüme do drum isch klar dasi gang.
Nume gseit hanis nie,
Nei ich han gseit ich liebe dich so wie am erste Tag.
Nume isches irgendwie nid das woni erwartet han,
Wie willi Chind vo dir ha, ich bin selber es Chind
Und wie wills wiitergoh wenn du es Chind vo mir willsch?
Es Chind nid vome Mah, nei es Chind vome Chind.
Segemole bisch du blind oder spinnsch du im Grind?
Genau das hadi gfrogt und han gwüsst ich gang, im Gang,
Hani dir denn Tschüss gseit,
Gwüsst ich gnüss die Küss hüt gwüss zum letschte Mol
Und klar het mi am Afang mis Gwüsse plogt,
Aber noch es paar Täg fühlts sich erträglich ah.
Und denn isch de Weg zum zu dene Chatze goh
Numeno en Chatzesprung entfernt
Und ich han echt glaubt dasi mis Glück
Bi dene Chatze uf fremde Matratzene fänd.
Und chum bini zu einere heicho, bini cho
Und chum bini cho, bini scho wider heicho,
Nu scho ufem Weg hei hani peilt dasi sowiso so mini Seele verlür,
Die isch scheisstot.
Und ich fühle mi fertig
So als hätti bereits jetzt mis Herz under de Erde beerdigt,
Debi wetti fühle dasi Läbe
Und mi nid fühle als wäri lebenslänglich lebendig beerdigt.
Nei ich fühle nüt, obi wach oder müed bin ich fühle nüt,
Obi lach oder brüele, ich fühle nüt
Au weni wüetig uf d Welt bin, fühli nüt
Nei ich fühle nüt, darum rauchi und suufi doch fühle nüt,
Darum haumi, verteil Füscht, fühle nüt,
Au wenni blau bin und Füscht flüget, fühli nüt.
Nüt bim Kiffe, nüt bim Jogge, nüt bim wixxe,
Fühl nüt bim figge, nüt bim Boxe,
Nüt bim trinke und nüt bim Kotze
Nüt woni fühl, nüt woni mache git mer au nur irgendes Gfühl
Und nüt fühle, fühlt sich übel ah mann echt.
Mues mis Lebe fühle, mues fühle dasich leb!
Erleb im Alter vo 10,
Was tragischs was min Charakter so prägt.
Sit Tag X gwüsst gang en andere Weg,
Immer klar gsi normal tsi verdammt nomol schwer
Für mich. Bin verhaltensuffällig als Kid,
Jo ich schloh mich doch kämpf gege mich,
Willi selber nid fühl weri bi
Und die Gschicht mi so figgt
Und mir niemert do hilft.
Id Kanti cho orientierigslos,
Han kein Plan devo wieni söll wiitercho.
In dene Ziite nur das Weed dreihe im Kopf,
Do chunnt sii. Si verdreht mir de Kopf,
Jo im Alter vo 14,
Lernt si mir gad liebe.
Und lernt si mir wider wieme mit Gfühl umgoht,
Dasme Gfühl nöd besiegt weme Gfühl umgoht.
Ich - mues mini Gfühl zueloh,
Das au en richtige Mah mole brüele cha,
Jo ire Ziit wonich hilf bruch würkli do,
Isch si ire Ziit wosi Hilf brucht für mich do.
Und ich fühl wider äntlich, fühle verändrig,
Nur für si will ich en bessere Mensch si, d Kanti beendi,
Doch denn folgt d Wendi, 22i d Beziehig am Endi,
Blackout, willi weglauf, willi früener nur weghau,
Immer Mädels im Schlepptau,
Dasi mi fasch amel scho gar nüm usem Bett trau.
Ich han tagelang trunke, en alkvergiftig gholt, Mage uspumpe.
Sit dem Tag bini abermols gsunke, nur hani nüt empfunde
Nei ich fühle nüt, obi wach oder müed bin ich fühle nüt,
Obi lach oder brüele, ich fühle nüt
Au weni wüetig uf d Welt bin, fühli nüt
Nei ich fühle nüt, darum rauchi und suufi doch fühle nüt,
Darum haumi, verteil Füscht, fühle nüt,
Au wenni blau bin und Füscht flüget, fühli nüt
Nüt bim Kiffe, nüt bim Jogge, nüt bim wixxe,
Fühl nüt bim figge, nüt bim Boxe,
Nüt bim trinke und nüt bim Kotze
Nüt woni fühl, nüt woni mache git mer au nur irgendes Gfühl
Und nüt fühle, fühlt sich übel ah mann echt.
Mues mis Lebe fühle, mues fühle dasich leb!