Stahlberger - Heimat - Lyrics, Similar artists

Kishore Kumar Hits — Stahlberger - Heimat lyrics

Artist: Stahlberger

album: Abghenkt

E Frau sitzt in ere Gelte
Uf eme Plakat
I lueg's zwei Minute a
Aber i merk nöd um wa dass goht
Und denn fahre mir ab
Und bime Halt uf Verlange
Stiige mir us
Und trinked e Stange
♪
I de Beiz hät's en Alte
Wo allne Lüt verzellt
Da seg di ältischt Zahradbahn
Vo de ganze Welt
Oder di steilscht
Mir losed nume mit eim Ohr
Mir läsed ime Buech
Vomene Schwiizer Autor
Aber mir verlüüred üs
Uf jedere Site
I de Buechstabe
Und mir wöred gern zahle bitte
♪
Und du seisch Heimat
Isch e grosses Wort
Isch Heimat e Gfühl
Oder isch es echt en Ort
Viel Lüt säged am schönschte
Isch's immer no dehei
Und viel Lüt säged nei
♪
Uf de Wiese vor em AKW
Sind's Hünd am Dressiere
Noch däre neue Methode
Wome ne uf allne viere
Ales vormacht
Sitz und Platz und Sprung
Und zur Belohnig
Git's e Betriebs-Besichtigung
Aber nöd für d Hünd
Die bliibed dusse im ne Gitter
Und dressiered sich so lang
Halt gegesiitig sälber wiiter
Und du seisch Heimat
Isch e grosses Wort
Isch Heimat e Gfühl
Oder isch es echt en Ort
Viel Lüt säged am schönschte
Isch's immer no dehei
Und viel Lüt säged nei

Поcмотреть все песни артиста