ہائے سکینہ
سکینہ
ہائے سکینہ
سکینہ
اے باد صبا جا کے یہ عمو کو بتانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
اِس چھوٹے سے سِن میں یہ ستم میں نے اٹھائے
الله کسی کو نہ یتیم ایسا بنائے
خود اپنے لہو میں کوئی بچی نہ نہائے
میں تم کو بلاتی رہی تم بھی تو نہ آئے
میں بن گئی با اثر لعینوں کا نشانہ
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
پانی کی طلب مجھ کو کھلاتی رہی ٹھوکر
کہتا تھا لعیں دوں گا میں فوجوں کو پلا کر
جب شمعرِ لعیں کر چکا سیرابیِ لشکر
دکھلا کے مجھے پھینک دیا پانی زمیں پر
تب سمجھی میں کیا ہوتا ہے امید دلانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
اک جام ہوا شامِ غریباں میں میسر
وہ کوزہ میں رکھ آئی تھی اصغر کی لحد پر
تھا مجھ سے بھی چھوٹا میرا بھئیا میرا دلبر
شرمندہ میں ہو جاتی چچا پیاس بجھا کر
اب اپنے ہی ہاتھوں سے میری پیاس بجھانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
اک رسی میں ہم سب کے گلے باندھ کے اعدا
کرتے ہوئے تشہیر چلے جانبِ کوفہ
اور اُس پہ مصیبت یہ تھی قد چھوٹا تھا میرا
اٹھتی تھیں جو پھوپھیاں تو گلا کھنچتا تھا میرا
گردن کا میرے زخم چچا دیکھنے آنا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
جس روز سے اصغر کو ملا بابا کا سینہ
اُس روز سے عمو نہیں سو پائی سکینہ
اِس حال میں جاؤں گی میں کس طرح مدینہ
آ جائے مجھے موت ہے کس کام کا جینا
جاگی ہوں بہت آ کے چچا مجھ کو سُلانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
گھر لَوٹ کے جاتے ہیں ہر اک شام پرندے
قسمت میں لکھے ہیں میری زنداں کے اندھیرے
کب تک میں جیئوں گی یوں ہی اشکوں کے سہارے
لگتا ہے کہ مر جاؤں گی اب دور وطن سے
ہوتا نہ میسر مجھے گھر لَوٹ کے جانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
انور یہ صدا پرچمِ عباس سے آئی
میں بھول نہیں سکتا سکینہ میری بچی
کاٹے گئے بازو میرے مجبور تھا بی بی
مشکیزہ عَلم میں ہے لگا دیکھ لے اب بھی
پرچم کا میرے کام ہے دنیا کو بتانا
پیاسی ہے سکینہ
اے باد صبا جا کے یہ عمو کو بتانا
پیاسی ہے سکینہ
پیاسی ہے سکینہ
پیاسی ہے سکینہ