Amek ara d-bedreγ tala?
D acu n wudem ara s-fkeɣ?
Ǧǧan-tt imdanen texla
Mi wwḍeɣ ɣer dinna, weḥceɣ
Steqsaɣ-tt amek tella?
Tenna-yi-d terfa:
Kfan igad ara ɣiḍeɣ
A tala, ass-a usiɣ-d ad kem-ẓuṛeɣ
Acḥal aya ɣer ɣur-m ur d-ṣubbeɣ
Rziɣ-d ɣer ɣur-m ad kem-ẓreɣ
Deg-m acḥal i leεbeɣ
Temẓi-w ass-a ad tt-id-fekkreɣ
I kemm amek i am-gan wussan?
Wallaɣ abrid-im yergel
Rrkeḍ-nni n zik yeṣfeḍ
Yuli fell-am inijjel
Ur d-yusi ḥedd ar teẓreḍ
Fell-i zzman ibeddel
Deg-i ur d-yegrri umuqel
Tabburt-iw tezga temdel
Ur d-yerzi ḥedd ad aɣ-yefṛeḍ
A tala, ass-a usiɣ-d ad kem-ẓuṛeγ
Acḥal aya ɣer ɣur-m ur d-ṣubbeɣ
Rziɣ-d ɣer ɣur-m a kem-ẓreɣ
Deg-m acḥal i leεbeɣ
Temẓi-w ass-a ad tt-id-fekkreɣ
I kemm amek i am-gan wussan?
Yekfa wa ad am-yeggen leqraṛ
Ttun ula d-lxiṛ-im
Ula deg unebdu leḥṛaṛ
D isemmaḍen waman-im
Tura yiwen ur yi-d-yettader
D asariǧ-iw la ixeṣṣeṛ
La yi-rewwlen laεwanṣeṛ
Di lḥara-w yemɣi-d yedmim
A tala, ass-a usiɣ-d ad kem-ẓuṛeɣ
Acḥal aya ɣer ɣur-m ur d-ṣubbeɣ
Rziɣ-d ɣer ɣur-m a kem-ẓreɣ
Deg-m acḥal i leεbeɣ
Temẓi-w ass-a ad tt-id-fekkreɣ
I kemm amek i am-gan wussan?
Ass mi akken deg-m i nzehhu
D abrid-im yezga yeεmeṛ
Tura yiwen ur d-ittnuju
Kul wa s anida i iɣewweṛ
Win i yi-ssnen, ad iyi-cfu
Xas ma yella ur d-ittṛuḥu
Ad iwali kan uzzu
D isem-iw ad t-id-ifekker
A tala, ass-a usiɣ-d a kem-ẓuṛeɣ
Acḥal aya ɣer ɣur-m ur d-ṣubbeɣ
Rziɣ-d ɣer ɣur-m ad kem-ẓreɣ
Deg-m acḥal i leεbeɣ
Temẓi-w ass-a ad tt-id-fekkreɣ
I kemm amek i am-gan wussan?