Seg nnin n tuzut
Fureɣ cerweɣ-tt-id(2)
Abrid n teẓrut
Ḥrurdeɣ-d lḥiɣ-t-id(2)
Ur rǧiɣ ad tenger tulmut
Igersal ugudi
Ma ɣur-k i tella tsarut
Dɣa ɣleq-itt-id
Lemmer bɣiɣ Fransa lekwaɣeḍ di lǧib
Ad subbeɣ ar lmersa azekka d aɣrib
Lemmer bɣiɣ Fransa lekwaɣeḍ di lǧib
Ad subbeɣ ar lmersa ad iyi teqqarem aɣrib
S aqbayli n wass-a
Ayen yelhan d lɛib
Mi ak-uɣal d taḍsa
Nnegneg ay aḥbib
Lemmer bɣiɣ lǧama
Mačči d lkuraj
Ad awḍeɣ Mekka
Ad iyi-teqqarem Lḥaǧ
Imi kkateɣ lbira
Nnig ubaraj
Ini-t-as d cmata
Ini-t-as d asufaj
Lemmer bɣiɣ lakaṭ
Deg-s ad d-ɛeddiɣ
Ad ak-d-uwteɣ takrabaṭ
Yerna ad ak-d-ɣenniɣ
Ad beddleɣ tamaṭ
Anda ur k-ttwaliɣ
Ad qebleɣ taqlaṭ
D wayen akk ugiɣ
Lemmer bɣiɣ rradyu
Ẓriɣ anda tella
Di Tizi Wezzu
Ddaw Lawliya
Ad d-xedmeɣ asefru s taɛrabt el fuṣḥa
I yemma ɛzizu
Ad teg tameɣra
Ad d-xedmeɣ asefru s taɛrabt el fuṣḥa
I yemma ɛzizu
Ad teg tameɣra
Lemmer bɣiɣ iseklas
Mačči akk d ugur
Ussan d imuras
Uḍan d lebḥur
Am tfirellas
Ɣur-i ad d-rrent adur
Taɛecret i wass
Teltemya i wayyur
Lemmer bɣiɣ at leḥkem
Yiwen ma ad iyi-yezwir
Ssnen-iyi, ssneɣ-ten
Lmir d lewzir
Ad rwuɣ idrimen
Ddula ay d-tesmir
Ad ḥeqqreɣ medden
D wid ur nezmir
Ur ttaɣeɣ tijɛal
Ur znuzuɣ targit
Tin umi rriɣ azal
Isem-is taqbaylit
Ur ttaɣeɣ tijɛal
Ur znuzuɣ targit
Tin umi rriɣ azal
Isem-is taqbaylit
A bab n wawal
Awal i wezznit
A bab n wakal
D ayla-k issin-it
Tɣaḍ-iyi tefsut
D warrac-nni
Tɣaḍ-iyi tmurt
Mur iban sani
Tɣaḍ-iyi tmeṭṭut
Tudert d tlelli
Tɣaḍ-iyi tmeṭṭut
Tudert d tlelli
Iɣaḍ-iyi bu tbezbuzt
Akka am keččini