Am ugeṭṭum deg yijdi
D awezɣi ad yemɣi
Xas bedden-as wid i t-yesswen
Kra yerregragen ur yeswi
Ɛeddan d aεeddi
Ur yeswi ara xas εeddan
Akken ay teḍṛa yid-i
Xas fad yenɣa-yi
Ulansi εeddan waman
D tayri-m i d yir tayri
Thedef-ed deg yir lawan
D acu ara am-geɣ a tayri
Ma yella yeǧǧa-tt lawan
Tameɣrust n yir agḍi
W anabi d nekk akked-m i tt-yeẓẓan
A tayri
Tameɣrust n yir agḍi
D nekk akked-m i tt-yeẓẓan
Nenfel di targa ay nerki
Mi nerki neɣli
Neɣli nger deg yiḥemmalen
Tečča-yaɣ temda n tayri
Sked wur tečči
Ula seg wid tfeṛsen
Anef εad nekk d kemmini
Mi kfant leḥmali ad fsin ideflawen
D tayri-m i d yir tayri
Mačči akken i tt-tebɣiḍ akken
D acu ara am-geɣ a tayri
Wa d nekk d ay bɣiɣ akken
Yewwi wasif win yewwi
Win yewwi ad yeṭṭef ula deg yisenanen
A tayri
Yewwi wasif win yewwi
Ad yeṭṭef ula deg yisenanen
Asirem-nni n yiḍelli
Ma igzem ass-agi
War asirem iẓḍa-d i yimal
I yerra wakud d asmekti
Yuɣal d amekti
Am anza-m i d-yessawal
Ma telliḍ-as di lewhi
Tanilla ayen ihi?
Anelkam-is d amcewwal
D tayri-m i d yir tayri
D tugdi yakk i am-tuɣal
D acu ara m-geɣ a tayri
Ma akken-nni akk i aɣ-tuɣal
Ḍeqqer tiṭ-im i yigli
S tmuɣli
Wali i ibub umaḍal
A tayri
ḍeqqer tiṭ-im i yigli
Bibb akken ibub umaḍal
Tawwurt-nni ur nettelli
Wwet kan εeddi
Ur yeẓri ḥedd ɣef ay teɣleq
Nelḥa-d abrid ur t-nufi
Ur iban sani
Liḥala tcudd s terqeq
Fkan-iyi twab a temẓi
Ɣur-m ma ad n-yezzi
Xas mazal ul d aleqqaq
D tayri-m i d yir tayri
Di yir ssuq ideg i tsewweq
D acu ara am-geɣ a tayri
Ma ala ayagi i am-d-tenfeq
Tzemreḍ ad tḍelbeḍ kullci
Wis kan ma ad tḍelbeḍ lefraq
A tayri
Tzemreḍ ad tḍelbeḍ kullci
ɣur-m ad iyi-d-tḍelbeḍ lefraq
D acu akka i tɣileḍ ad tafeḍ
I teɣzut ǧǧan waman?
Ur yelli wa ad tesfeqdeḍ
Yeqqecqec way din yefsan
D acu i tɣileḍ ad t-id-temmegreḍ
Ad tekkseḍ seg wayen ikfan
Ma a kem-yeεǧeb ma truḥeḍ
Ma ur kem-yeεǧib wayen illan
Ur tezmireḍ ara ad tbeddleḍ
Ayen yakk beddlen wussan
Yaḥreq weḥriq ɣef i tḥarqeḍ
Eǧǧ kan ḥaruq d iḥerqan