A tidak i d-yettasen
Ur yenuda ḥed fell-asent,
A tidak i d-yettasen
Ur yenuda ḥed fell-asent,
A tidak akk i deg i nkeččem
Amek almi i nga daxel-nsent?
Ma d-nukni i tent-id-yettafen
Ma d-nutenti, amek i aɣ-d-ttafent?
A widak yeseḥsaben
Yexḍa i leḥsab win ḥesbent
Ma d-ay fell-aɣ teseɣleb
Amer ur as-nezmir ara,
Ma d-ay fell-aɣ teseɣleb
Wissen ma-ur d-as-nezmir ara?
Sekra n win ɣer i nqerreb
Nufat yebεed mi nuẓa,
Ixef-is winna ɣef i nqelleb
Yessen anida i t-yeɣba,
Yettban-d umergu n cḍeb
Ma yeɣli fers i tṣeḍwa
Anwa i mačči d axṣim-iw
Anwa wer neǧǧi tama-w?
Anwa i mačči d axṣim-iw
Ala win yeǧǧan tama-w?
Wwiɣ abrid s yimmi-w
Ktalleɣ abrid s wayla-w,
Ma tɣileḍ εeǧbeɣ iman-iw
Ma-ur d-ak-teεǧib liḥala-w?
Tawuṣt teṛṣa deg cḍaḍ-iw
Yeqeṛṣ ibidi ay aggaw,
Ma tɣileḍ εeǧbeɣ iman-iw
Ma-ur d-ak-taεǧib liḥala-w?
Mi tezgiḍ deg ijufar-iw
I briɣ i yibid ay aggaw
Mačči d kečč id-iyi-yerḥan
A yawal mi d-ak-selleɣ,
Mačči d-kečč i d-iyi-yerḥan
A yawal mi d-ak-selleɣ,
Awal winnaken i t-yennan
Ma yeẓṛa sanda yeffeɣ?
Mačči d-netta i d-iyi-yecqan
Ur yiɣaḍ mi yid-s feṛqeɣ,
A yawal i d-iyi-yenɣan
Mi d-tekkiḍ seg win ḥemmleɣ
ṭseɣ deg urrif d uɣilif
Tanekra yinu di ndama,
Talemast tugi-k a rrif
Rrif ur yezmir ara,
A win yettnadin nnif
Kullec yella ma d win yekfa,
A win ur nezmir i lḥif
Kullec ulac ma d win yella,
A win yettnadin nnif
Kullec yella ma d win yekfa,
A win ur nezmir i lḥif
Kullec ulac ma d win yella
A yimezgan wer neggan
S wannuz i ttεeddin ɣur-wen,
Ma teẓṛam tidak yellan
Teẓṛam tin i d-aɣ-yuɣen,
Ma itbiren d iseflan
Ad zzin igerfiwen,
Tegrad nnuba i yiṣɣan
Teẓṛam lbaz amek akken,
Ma itbiren d iseflan
Ad zzin igerfiwen,
Ma twallam rebḥen yesɣan
Wali-t lbaz i t-yuɣen