A win yessexdamen awal
D acu i tḍemɛeḍ di tsusmi
Akken yella yir awal
I tella yir tasusmi
Teẓriḍ i ixeddem wawal
Teẓriḍ i txeddem tsusmi
Ma yexḍa ṣwab i wawal
Ma d-yili ṣwab di tsusmi
Was yexḍa ṣwab i wawal
Ma d-yili ṣwab di tsusmi
Ad tɣiḍeḍ inijel aqquran
Wammag azegzaw yettru
Meqqret tin i d am-yeḍran
Macci d ciṭ ad yettwattu
Deg-m i yemzel lufan
I kem-yuɣen a Lezzayer-inu
Deg-m i yemzel lufan
I kem-yuɣen a Lezzayer-inu
Nadi-d leqrun gar lesnin
Yiwen n wass ur tettezgal ara
Seg wasmi i d-bdan tisin
Akken akk ɛeddan sya
Akken ma lan d iɛdawen-iw
Xas yal wa isebblas kra
Ayen xedmen warraw-iw
Fransa ur t-texdim ara
Akken ma lan d iɛdawen-iw
Xas yal wa isebblas kra
Ayen xedmen warraw-iw
Fransa ur t-texdim ara
Ad tɣiḍeḍ inijel aqquran
Wammag azegzaw yettru
Meqqret tin i d am-yeḍran
Macci d ciṭ ad yettwattu
Deg-m i yemzel lufan
I kem-yuɣen a Lezzayer-inu
Deg-m i yemzel lufan
I kem-yuɣen a Lezzayer-inu
Anda yella ucengu n tlelli
Tgiḍ-as agḍi iga aẓaṛ
Amek akka tqebleḍ kul-ci
Ziɣen akka tzemreḍ i lɛaṛ
Ass-agi tsegmeḍ tirni
I wat lemwas d tcuqaṛ
Widak ur yezdiɣ Ṛebbi
La ineqen ula deg leɛwaceṛ
Ass-agi tsegmeḍ tirni
I wat lemwas d tcuqaṛ
Widak ur yezdiɣ Ṛebbi
La-izellun deg leɛwaceṛ
Ad tɣiḍeḍ inijel aqquran
Wammag azegzaw yettru
Meqqret tin i d am-yeḍran
Macci d ciṭ ad yettwattu
Deg-m i yemzel lufan
I kem-yuɣen a Lezzayer-inu
Deg-m i yemzel lufan
I kem-yuɣen a Lezzayer-inu
Teḍfiḍ nnif-im, isem-im
Tekkes akk Ihiba fell-as
Yettwakkes ufrag ɣef tlawin
Lbaṭel iɛedda tilas
I cemten di teqcicin
At tecmatin d tmenqas
Wid issḍen wwin-d ddin
Saḥen ajeggeḥen tullas
I cemten di teqcicin
At tecmatin d tmenqas
Wid issḍen wwin-d ddin
Saḥen ajeggeḥen tullas
Ad tɣiḍeḍ inijel aqquran
Wammag azegzaw yettru
Meqqret tin i d am-yeḍran
Macci d ciṭ ad yettwattu
Deg-m i yemzel lufan
I kem-yuɣen a Lezzayer-inu
Deg-m i yemzel lufan
I kem-yuɣen a Lezzayer-inu
Win ur isserheb wayen yeḍran
Deg-neɣ ma tesgem tikti-s
Win ara yenɣen win yeɣṛan
D acu ara neg s-tmusni-s
Win yessexraben ayen yellan
I-yessexrab d tilin-is
Win ur nḥuḍer afennan
Ur-n-ihuḍer d iman-is
Win yessexraben ayen yellan
I-yessexrab d tilin-is
Win ur nḥuḍer afennan
Ur ihuḍer d iman-is
Segrimt ay allen imeṭṭi
Ad nefṛez ad nwali
Ad neḥṣen tin i aɣ-yuyen
Ay awal yugi-k yimi
D acu ara d-nini
Yesgugem-aɣ wayen iṣaṛen
Ay at yiɣil a ɛisi
Yeṣɛeb usteqsi
D acu akka i d-yebdan ɣur-wen
Amek akka akk gant tigi
Ma tqeblem tagi
Yaɣli Lwennas gar-awen
Ay at yiɣil a ɛisi
Yeṣɛeb usteqsi
D acu akka i d-yebdan ɣur-wen
Amek akka akk gant tigi
Ma tqeblem tagi
Yaɣli ufennan gar-awen
Tenfeḍ tgejdit i ccna
Trab, tssekla, thud-ass tasga i ussefru
Ay ul-iw ɣef-i-kfant tirga
Ziɣ tsett targa
Ziɣen kul-ci d aɣuru
Nɛal bu tagnitt am-ta
Ayahbib, agma, akka i-d-as-raden ad teḍṛu
Tmutteḍ, tluleḍ i lebda
Tqleḍ d amdya
Tawrirt tɛuhed ur-tettu
Nɛal bu tagnitt am-ta
Ayahbib, agma, akka i-d-as-raden ad teḍṛu
Tmutteḍ, tluleḍ i lebda
Tqleḍ d amdya
Tawrirt tɛuhed ur-tettu
Amcum at-id yass wass-iss
Ad yuqel γer lḥed-iss
Xas ma aγ-d-ttban tewɛar
Xas tettef-aγ tizi n leḥriss
Tikli war taḥbis xas assa ishel lmenker
Xas gan lḥedd-i-idarren-iss
Mazal ṣṣut-iss ad yelhu, ad yennemdar
Yejja-d umengur issem-iss
Tedmen-it tikti-iss
Ur yezmir ḥedd at-yenker
Xas gan lḥedd-i-idarren-iss
Mazal ṣṣut-iss ad yelhu, ad yennemdar
Yejja-d umengur issem-iss
Tedmen-it tikti-iss
Ur yezmir ḥedd at-yenker