Francesco Di Bella - Carcere - Remastered 2023

Kishore Kumar Hits — Francesco Di Bella - Carcere - Remastered 2023 lyrics

Artist: Francesco Di Bella

album: Francesco Di Bella & Ballads Cafè (Remastered 2023)

CARCERE
Stong' accussì e prego a Maronna,
Nun sputo 'n cielo ché 'nfaccia me torna.
Pure se canto 'na storia overa
O sto sbaglianno o nisciuno me crede
Dico accussì, pe' nu muorto acciso
Piglio trent'anni e nun pozzo campa'?
Chillo era 'o peggio d"o quartiere
Sfruttava 'a gente dint' a miseria
Vuttava 'e guagliune a fa scippi e rapine
E pure a vennere l'eroina.
Dicette a me stesso:
Si sai campa', ccà coccosa s'adda fa!
Vierno era friddo, era sabato sera,
Stev' parlanno co' Donna Carmela.
Alla 'ntrasatta arriva 'o 'nfamone
Ca nun vulette sentì ragione
Sbattette 'a porta, pigliaie 'o curtiello
E a Donna Carmela stracciaie 'a vunnella.
Nun dico 'o schifo che me facette,
Restai fore 'a porta e nun me ne jette
E quanno 'o 'schifus fernette 'o servizio
Me appriparaje pe' ce fa levà 'o vizio.
Pigliaje 'a catena 'e nu motorino
E m'assettaje là vicino
E quanno 'o 'nfamone ascette da 'a porta
Tenette 'o piacere 'e ce presenta' 'a morte!
Nun dicite niente, aggio sbagliato,
Je sto 'ngalera e là ce sta n'ato,
Ca dint' a miseria fa 'o sciacallo
E niente le dicono 'e marescialli.
Marescialli e guapparia
Fanno una sola cunsurtaria
E chi pava 'o debito co' 'a miseria
O more acciso o và 'ngalera!

Поcмотреть все песни артиста