Faraj Suleiman - Hymn to Gentrification (Instrumental Version)

Kishore Kumar Hits — Faraj Suleiman - Hymn to Gentrification (Instrumental Version) lyrics

Artist: Faraj Suleiman

album: Better Than Berlin: The Music

وين بدك إيانا نسكن
بعرف إنه البيت قديم
وشايف عيونك حزينة
بس أنا شو بقدر أعمل
قدّام الوحش العظيم
عم بنهش بطن المدينة
وين بدك إيانا نسكن
بعرف إنه البيت قديم
وشايف عيونك حزينة
بس أنا شو بقدر أعمل
قدّام الوحش العظيم
عم بنهش بطن المدينة
مين قال إنه الشوارع راح تضلا نفس الإشي
مين قال إنه المدينة بعدها بتنقطع مشي
مين قال إنه الحارات بعدها لعبتنا البريئة
مين سرق منّا الطبيعة وقلّنا حافظوا ع البيئة
مين حط السوق بي مول
مين طلّعنا من البيوت؟
مين قسّمها ومين أجّرنا
ستوديو أصغر من تابوت؟
مين أجا من تل أبيب؟
قصدي، مين أجا من بولندا؟
مين عمّر أبراج قزاز
وإحنا هدلنا البرندة؟
♪
مين صار يبيع المجدّرة ع أساس وجبة چورميه
ليه صحن الحمص بتلاتين وما حداش سائل ليه
وين الدكاكين البسيطة ليش كل شي لازمه concept
ليش ضروري إن الفواكه تضلّا كل السنة تنبت
مين محانا من القصّة
مين جدّد سوق العُتَق
مين دخّن البترول
ونفّخ غيوم القلق
مين حفّر الجبل
مين هدّ وادي الصليب
مين عسكر البحر
وبدور الناس سكَّن غريب
♪
بدهن أترك الحارة ويفتحوا مطرح بيتي بار
يدهنوا كل الشارع أشقر يخفوا ألوان السمار
مخبز عمي تحوّل gallery قال أجواءه authentic
وإن حطك راس المال براسه فش ولا حدا بحميك
مين عربد على الناس
هجّم كلاب الأمن
مين هدد الأبو
ودبّر وظيفة للإبن
مين دفع حقّ الحنين
مين شرى منّا الأمان
مين فركش الأمل
مين سرق عمر المكان
بعرف إنه البيت قديم
وشايف عيونك حزينة
بس أنا شو بقدر أعمل
قدّام الوحش العظيم
عم بنهش بطن المدينة

Поcмотреть все песни артиста