Sotta na chianta de chiapparu
Nasciu sta storia d'amore
Quandu se cchiara ncuati
La Pantalea cu lu Tore
Era nu giurnu d'estate
Lu sole binchiava an capu
Siane ccujire le marangiane
Lu Tore facia lu macu
"Chicate chicate Pantalea
Ca t'aggiu dare na cosa
Teni stu fiuru de chiapparu
Ia ulutu essa na rosa"
"Tore no fare lu fessa
Ca sta ne guarda la gente
E nciole picca cu viscia
E nciole nenti cu sente"
"A misi e misi ca spettu
Ca sta te fazzu la fila
Ia ulutu te fermu n attimu
Ma no te visciu mai sula"
"Llassame, llassame scire
Ccujimu ste marangiane
Poi te la dau la risposta
Torna tra ddo settimane"
"Ddo settimane su longhe
E ieu no puzzu spattare
Ci oi vegnu cuntu cu sirata
Nde dicu ieu ddo palore"
"Sirama non bole sente
Mauma no pote cuntare
Sentime mie rassegnate
E llassame llassame stare"
"Ieu no te lassu cchiu in pace
Ieu no te mollu mai mai
Ci no lo sentu de ucca tua
Ca dici ca no me oi"
♪
La Pantalea rrussacau
"E nu pozzu dire sta cosa
Quistu è nu fiuru de chiapparu
Ma sia ci m'hai datu na rosa
Passa stasera de casa mea
Passa e famme lu segnale
Sirama non bole sente ma
Vidimu ci se po fare"
Cu ccoji le marangiane
L'ore no passane mai
Ma pe lu Tore ddhru giurnu
Ia diventatu già crai
Ci sape comu è spicciata
Comu è ca sciuta a finire
Ognunu disse la soa
Nc'è ci li vitte partire
Sotta na chianta de chiapparu
Nasciu sta storia d'amore
Ma addhru su sciuti di tiempi ormai
E la Pantalea cu lu Tore