Kinder hät sie gha, und sie elei
Weiss was äs heisst, sit em erschte Schrei
Wenns am Bappe scho längschtens abglöscht hät
Isch sie Tee go koche und hät gsunge am Bett
Hät Socke glismet und Hose vermässä
Hät der erscht Zah, der erscht Schritt nid vergässä
♪
Wo do der Bueb mit em schwere Töff
über Leitplangge us isch, imene Suff
Isch sie ins Spital sächs langi Wuchä
Intensivstation, jede Tag in gi bsuächä
Und won er nach vierzäh Täg isch verwacht
Hät si vor Freud kei Wort usäbracht
♪
Nachdem der Pappä dän gschtorbä sch
Isch si go Reise mit dä Car AG Grüsch
Sie hät afangä Gachichte verzellä
Uf Island heg sie immer scho wellä
Eimal im Läbe rund und um d'Wält
Dä Schwoger hät gseit, "säb gaht dän huere ins Gäld"
♪
D'Kinder, wo alli usgflogä sind
Eigäs Läbe händ und eigeni Kind
Sind einig worde und insgeheim
Händs öppis gsuecht imne gmüetliche Heim
Und wo dänn alles isch abklärt gsi
Sind amene Sunntig mit irä döt hi
"Mama", händs gseit, "guet söllsch äs ha
Alli Sorge vergässe, du blibsch jetz da"
Mama hät gnickt und nach ä paar Stundä
Wo alli sind gange gsi, isch au sie verschwundä
Und uf emene Zättel isch gschtande
"Ade, Island isch Füür und Island isch Schnee"