Chitarra d'oru e cítula d'argentu
Fati sentiri 'stu sonu 'mperiali
Canzuni haju a cantari cchjù di centu
Mu schjatta cu' non voli e parra mali
Eu su' comu a lu lupu a passu lentu
E non mi spagnu si bajunu i cani
Li cosi fazzu a tempu, e mai mi pentu
Ca senza levitu non si faci pani
La luna è janca e vui brunetta siti
Ija è d'argentu e vui l'oru portati
Ija si scura e vui ca la vinciti
Ija s'accrisa e vui non v'accrisati
Vui lu suli e la luna ca vi uniti
Ma nè suli e no luna vi chjamati
Si lu suspiru avissi la parola
Chi bellu 'mbasciaturi chi sarría
Parti suspiru cu lu ventu vola
Vai pe trovari tui la bella mia
Eu t'amu quantu poti n'omu amari
Ti vogghju beni cchjù chi ti volía
La luna è janca e vui brunetta siti
Ija è d'argentu e vui l'oru portati
Ija si scura e vui ca la vinciti
Ija s'accrisa e vui non v'accrisati
Vui lu suli e la luna ca vi uniti
Ma nè suli e no luna vi chjamati
La luna ammanca e vui sempi crisciti
Ija perdi la luci e vui la dati
E si l'arrivi penzerusa e sula
Dinci ca chistu cori la disija
La luna è janca e vui brunetta siti
Ija è d'argentu e vui l'oru portati
Ija si scura e vui ca la vinciti
Ija s'accrisa e vui non v'accrisati
Vui lu suli e la luna ca vi uniti
Ma nè suli e no luna vi chjamati
La luna è janca e vui brunetta siti
Ija è d'argentu e vui l'oru portati
Ija si scura e vui ca la vinciti
Ija s'accrisa e vui non v'accrisati
Vui lu suli e la luna ca vi uniti
Ma nè suli e no luna vi chjamati