Vorria mu sugnu sempri spenseratu
Lu cori meu mu batti quetu quetu
Ma ora chi su pacciu innamuratu
Non trovu chiù riparu nu minutu
Non trovu chiù riparu nu minutu
Quandu ti vitti mi mancau lu hjiatu
Perdia a parola chi mancu nu mutu
Oh bella cu su tuppu 'ncannolatu
Se nesci a ballu vogghiu mu ti 'mbitu
E cu' na botta i lampu mi illumina lu cori
Pe sta figghiola bella ch'è carrica d'amuri
La vitti chi ballava era lu megghiu hjiuri
Pariva na madonna cu tuttu ssu splenduri
Di li chiju belli tu si la rigina
Cu leva a ttia non sapi chi furtuna
Viju nta ss'occhi na luci divina
Chiju bella di lu suli e di la luna
Chiju bella di lu suli e di la luna
Stasira 'nta sta ruga chi jé festa
Si sona a ballu sensa fari sosta
Sulu u penzeru mi gira la testa
Pe sta figghjiola chi je chiglia giusta
E cu' na botta i lampu mi illumina lu cori
Pe sta figghiola bella ch'è carrica d'amuri
La vitti chi ballava era lu megghiu hjiuri
Pariva na madonna cu tuttu ssu splenduri
Ora dimmillu tu chi 'ndaju a fari
Ca' notti e jornu si 'nte me' penzeri
A lampu mi facisti 'nnamurari
Sulu cu l'occhi si sbocciau lu hjuri
Sulu cu l'occhi si sbocciau lu hjuri
Si dici ca ogni cosa je destinu
È scrittu nta lu parmu di la manu
Tu si a cumpagna di lu me caminu
Ti pigghiu 'mbrazza e ti portu luntanu
E cu' na botta i lampu mi illumina lu cori
Pe sta figghiola bella ch'è carrica d'amuri
La vitti chi ballava era lu megghiu hjiuri
Pariva na madonna cu tuttu ssu splenduri