دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے...
♪
غصے کی لالی نے
رنگ کیا ہے گہرا
پھول گیا کیوں، بولو
پھول سا نازک چہرہ؟
ناک پہ مکھی بیٹھ گئی
بہن ہماری اینٹھ گئی
ننّھی سی اِس ناک پہ اِتنا غصہ نہ دھرو
دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے...
♪
ویسے تم پیاری ہو
ہائے، عقل مگر ہے موٹی
کام کے نام پہ ٹھینگا
کھاتی ہو دو من روٹی
کیسے ہم سمجھائیں تمھیں
آئینہ دکھلائیں تمھیں
آئینے میں دیکھ کے اپنی صورت سے ڈرو
دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے...
♪
چاند سے کیوں روٹھی ہے
چاند نگر کی بڑھیا؟
شہر سے ہم لائے ہیں
بڑھیا کے لیے گڑیا
اِس کا بیاہ رچائیں گے
ڈولی میں بٹھلائیں گے
گڑیا رانی، اب تو ہنس دو، آہیں نہ بھرو
دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے یوں روٹھا نہ کرو
روٹھیں گے جو ہم تو تم منا نہ سکو گی
دیکھو، اپنے بھیّا سے...