MIRU ZURIA
Aramotzetik Garamendira
Tximista baten antzean
Miru zuriak igaroten dau
Oilandatxuen atzean.
Atso urdinak entzuten deitu
Haren txistuak etxean
Kurra ta kurra solora doa
Beren oiloen atzean.
Atso urdinak, hasarraturik,
Negarrez dino bidean:
Txite guztiak eroan deustez
Bata bestean atzean.
Miru zuriak erpea zorrotz
Pikua zerbait makurra
Erroteak lez birrinduten deu
Oilandatxuen hazurra.
Miru zuriak jan deuenean
Oilandatxue eta hazurra
Hegazka doa laino batera
Ipar haizean antzera.
IKUSI NUENEAN
Ikusi nuenean zure ile latza
Iruditu zitzaidan, maitea
Sorginen erratza.
Ikusi nuenean zure bekokia
Iruditu zitzaidan, maitea
Zartagi ipurdia.
Ai, ai, ai, ai, ai!
Ziri, ziri, Pello!
Gizonak ez du ongi ematen
Mozkortu ezkero.
Ai, ai, ai, ai, ai!
Pello, ziri, ziri!
Zertarako ditugu herrian
Honenbeste hordi?
Ikusi nuenean nik zure bekaina
Iruditu zitzaidan, maitea
Gauaren kamaina.
Ikusi nuenean nik zure begia
Iruditu zitzaidan, maitea
Anpolai gorria.
Ai, ai, ai...
Ikusi nuenean zure belarria
Iruditu zitzaidan, maitea
Azaren orria.
Ikusi nuenean nik zure sudurra
Iruditu zitzaidan, maitea
Lukainka muturra.
Ai, ai, ai...
Ikusi nuenean nik zure ahoa
Iruditu zitzaidan, maitea
Karobi zuloa.
Ikusi nuenean nik zure okotza
Iruditu zitzaidan, maitea
Gaztaina morkotsa.
Ai, ai, ai...
Ikusi nuenean nik zure bularra
Iruditu zitzaidan, maitea
Basoan txondarra.
Ikusi nuenean nik zure zangoa
Iruditu zitzaidan, maitea
Ahuntz-adar makoa.
Ai, ai, ai...
Ikusi nuenean nik zure mokorra
Iruditu zitzaidan, maitea
Azpiroz malkorra.