Acḥal d abrid i sliɣ
I yemma tenna-d annaɣ
A mmi ur tesɛiḍ ay cciɣ
Deg yidmaren ad k-t-id-fkeɣ
Ula d akerfa ur t-ṛwiɣ
Amek ara k-id-ssmeɣreɣ
Sliɣ i yemma tenna
A mmi ifadden kkawen
Mačči s weclim d ukerfa
I yes i gemmun yirgazen
Ulac di tarbut tekfa
Ad nɛenni ad nerǧu yiwen
Acḥal d abrid i sliɣ
I yemma tenna-d annaɣ
A mmi ur tesɛiḍ ay cciɣ
Deg idmaren ad k-t-id-fkeɣ
Ula d akerfa ur t-ṛwiɣ
Amek ara k-id-ssmeɣreɣ
Cfiɣ yiwen n wass di ccetwa
Nella nezzi-d i lkanun
Nettawi-d timucuha
Akken laẓ medden ad t-ttun
Nessa agertil ɣer lqaɛa
Uḍan ugin ad kfun
Acḥal d abrid ay sliɣ
I yemma tenna-d annaɣ
A mmi ur tesɛiḍ ay cciɣ
Deg idmaren a k-t-id-fkeɣ
Ula d akerfa ur t-ṛwiɣ
Amek ara k-id-ssmeɣreɣ
Tura kra din ur as-necfi
Nerna-ten ɣer wayen iɛeddan
Nuɣal nbeddel tikli
Nettu wid leɛmeṛ ṛwan
Imi ddunnit tettezzi
I uzekka anwa i yeẓran?
Acḥal d abrid i sliɣ
I yemma tenna-d annaɣ
A mmi ur tesɛiḍ ay cciɣ
Deg idmaren a k-t-id-fkeɣ
Ula d akerfa ur t-ṛwiɣ
Amek ara k-id-ssmeɣreɣ