Heut isch wieder der Tag im Monat wo Deine Alte
Auffällig wird durch extrem komisches verhalte (sie sagt)
Du musch dich aufraffa du bisch wieder dran
Kehrwoch gang naus schaffa fang lieber mal an
Dr freundliche Nachbar hat au deutlich betont
Mitm Uffbebber an dr Tür, dass er au hier wohnt
I wois I wois I hans letztschte Nacht scho ghört
Da hasch mich echt amol a Minute lang gstört
Abbr gut I hol dr Kudderoimer, Kehrwisch und dr Lappe
Des sen gege dr Schmutz meine Wunderwaffe
Dr Dreck wird nunderkehrt jonger eng isch des hier
Da brauch I erscht a Underberg ond dann a Energybier
Danach I ah nickerle ond a klois verschnauferle
Dann gaht des wie von alloi hey Sauberle (hey)
I wohn im erschte Stock da isch dr meischte Dreck
Weil die von oba au da lang latschet scheiße echt
Aber was willsch macha I hans Haus ned baut (noi)
Ond wenns hier dreckig isch dann fahr I aus der Haut
Des isch mei Strahs mei zu Hause mei Block
Ond der wird sauber ghalte heut isch Kehrwoch
Ond da wird älles rausputzt
Heut wird sauber gmacht "Kehrwoch"
Des isch a subber sach ("oh yeah")
Des ganze Treppahaus
So sauber check des aus
Heut wird sauber gmacht "Kehrwoch"
Des isch a subber sach ("oh yeah")
Des ganze Treppahaus
So sauber check des aus
MC Bruddaal, Kehrwoch,
So und jetzt holet mr dr Spezialreiniger
Em 3.Stock da wohnt die Frau Licht
Wie soll I des jetzt saga, die isch ned ganz dicht
Wahrscheinlich hen zu viele bei dera Nachts klingelt
Des isch ned dr Lichtschalter hot se die dann abgwimmelt
Mei Aminachbar schaut aus wie Mischter Bean
Der hat no nie gwischt dr versucht mi übern Tisch zu ziehn
Jetzt sagt er plötzlich sorry if I intervene
Abbr you have big Kehrwoch mit Winterdienscht
I han koin Schnee gsäha du Lombadihr
Abber wo du schomal da bisch nemm dr Lumpa hier
Ond wisch endlich dr Seuch weg von deim strangea Gebbel
You mean my Fixie Bike ha ja the thing mit dr Trebbel
Des hot ja ned mal a Rücklicht nem Du amol Rücksicht
Auf unsere Gefühle dann semmer älle glücklich
Des was hier abgaht des isch a Sauerei
Mir Schwaba liebet Ordnung ond Sau(b)er(k)ei(t)
So jetzt han I endlich des Häufle zamma kehrt
Da weiß mr was mr gschafft hot ond das mr zamma ghört
Denn wenns hier nedda ganz sauber wär
Dann wär I ja, am Prenzlauer Berg
Ah, ond mir sen doch hier in Stuttgart
Heut wird sauber gmacht "Kehrwoch"
Des isch a subber sach ("oh yeah")
Des ganze Treppahaus
So sauber check des aus
Heut wird sauber gmacht "Kehrwoch"
Des isch a subber sach ("oh yeah")
Des ganze Treppahaus
So sauber check des aus