Mir schiffts au jedes Jahr ens Heu,
Nia bleibt mai Fuadr trocka
Wenn's mir a Brot langt - des wär fei,
Zom en mai Supp nei brocka.
Des isch halt oifach net gerecht,
Dia Welt isch wirklich erdaschlecht
Für älle andere scheint Sonna
Mir will halt neamand ebbes gonna
Mir will halt neamand ebbes gonna
Neamand ebbes gonna, neamand ebbes gonna.
I ben au blos vom Pech verfolgt
I han's ganz Jahr zom kratza
Wenn I mal auf a Hochzeit derf
Gibt's gwieß blos Päckles-Spatza
Ond kommt a Gwitter riesagroß
Grad über mir bricht's Wetter los
Beim Nachbr ond beim Pfarr scheint Sonna
(Aber) mir will scheint's koiner ebbes gonna
Mir will scheints koiner ebbes gonna
I komm halt oifach net zom Zug
I ko me no so schdregga
Mir schiasats emmer for da buag
S'isch doch grad zom verregga
Ond fendat mi mol oina nett
War's gwieß mit älle scho em bett
Für älle andere scheint Sonna
Mir will halt koiner oina gonna
Mir will halt koiner oina gonna
Koiner oina gonna
Koiner oina gonna
Für älle andere scheint Sonna
Mir will halt neamand ebbes gonna
Mir will halt neamand ebbes gonna
Neamand ebbes gonna, neamand ebbes gonna.