نحكيو على الفيروس نديرو شوية هيستوريك
وين تخدم كيفاه تخدم كيفاه حتان وصل ليك
باش تقرا عليه ماكانش لابوراتوار
ماكانش ايتيد و اناليز سبيكترال
الحكاية بدأت بكري خلاص قبل العصور
الملائكة كانوا في السماء و الأرض فيها غير الجنون
في واحد الوقت هادوك الجنون راحوا غفلوا
خرجوا على الملة ومبعد زادوا كفروا
بصح كان فيهم واحد بقى صابر وحدوا
كان يحب ربي و كان ديما يعبدوا
ولا مقرب و مع الملائكة ديما يدور
كان اسموا ابليس الوقت هداك ماشو ملعون
واحد النهار ربي خدم من تراب حاجة مفهموهاش الملائكة خلاص
معمولة بالطين، شاحت ،يبست
ابليس كرهها بلاما علابالو وعلاه تعملت
ومبعد ربي من روحو نفخ فيها
ولثم خرج عبد اسمو آدم
ربي أمرهم باه الكل يسجدولوا
ابليس محبش شي هادا مدخلش لبالوا
قالهم هو مخدوم من تراب. وانايا خير منو خارج من مارج من نار
هاديك كانت أول مرة ظهر فيها الفيروس
وتحير، لي مرض بيه اللول هو ابليس
مالا أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
الحكاية قصرتها باه تعرف كيفاه جا، تعرف وقتاه جا دوك تعرف وعلاه جا
ابليس من اللول كان يكره بني آدم
قال درك تشوف وش ندير فلعباد آدم
يعودوا يتبعوني يحبوني بلاما نبان
وش نقول يديروا يطبقوه كي الحيوان
نسيهم مام في الإله لي خلقهم، نقلبهم يقتلوا رواحهم في بعضاهم نفرقهم
تعود حياتهم كاملة يجريوا ورا المال
الرجال نغرهم بالنساء و النساء نغرهم بالرجال
لي تعود عندهم مشكلة مايروحش لربي خلاه يروح للشيطان ينسيه بقرعة شراب
يقولهم شفتوا شحال مليحة طعمتوا
مكرة في ربي اشربوه و زيدو عاودوا
هزوا قارو وشيخوا الكل بالواحد
وقولوا حنايا رجال منستعرفوا بحاتا واحد
مالا أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
ويعدي الوقت ونوصلوا الزمان هذا
منروحوش لبعيد نشوفوا هنا بحذانا حنا
الفيروس توسع وزاد ديفلوبا
بكري كان مدرڨ واليوم مبقاش يتخبى
بكري كان الخمر لي يشربوا عيب
مولاه تلقاه يتخبى و يروح بيه لبعيد
اليوم كلي شي ما صار نورمال ليجون صغار كبار يشربوه جهار نهار
والشيطان فرحان كي يشوف فيهم
يقول لربي شوف عبادك وش ندير بيهم
أو قتلك نقضي عليهم الكل كيما راهم
نبقى عقابهم حتان يكرهوا مولاهم
يعودوا يحبوا المال، الصوارد، الدراهم
يكفروا ينساوا الكل رواحهم وين راهم
تعود في الطريق كي تمشي وتعدي
تسمع طفل صغير كي يتعارك يسب ربي
خطاك وصيت ولديه وقلوبهم قلبتها عمية
سيرتو على بنتهم معليش تخرج معرية
خلي تعيش وقتها و تتمتع بوش عندها
ماكالاه تقلقها وتفكرها باللي خلقها
لاكان على الصلاة و الحجاب ميهمش
اللبسة هدي الكل مهبول راح ططيش
خلاها تبيش وتغرق في الغرام
يزيها بالحكايات تاع الحلال والحرام
كي تسمع كيما هكا تقول ابليس نجح
لبروجي لي دارو من بكري صاي أو صلح
بصح توله كاين ناس اخرين
صح يسوفريوا بصح مع ربي ام صابرين
مازالوا عباد كي يقراوا القرآن يبكيوا
مازالوا عباد ديما يركعوا ويدعيوا
مزالوا بنات قلوبهم ميش حابسة
ماباعوش ربي علاجال زهو وعلاجال لبسة
مالف تشوفهم علابالي اك تعرفهم
نخاف عليك كون متكونش واحد منهم
ازرب فيق لا يديك معاه ابليس
منع روحك قبل ما يجيك الفيروس
مالا أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
أرواح نحكيلك على الفيروس تاع ابليس
يعرف وين يجي يعرف بيان كيفاه يقيس
لاكان حكم فيك تعود تعشق في الدنيا
طيح في الكوما وتموت كميا بالكميا
تموت كميا بالكميا واحد ما يجيك واحد ما يخمم فيك
كاين غير دواء يداويك من هاد المرض
غمض عينيك وتخيل روحك تحت الارض
مدفون طلع لثم وش راح يكون
وش راح يصير وش راح تهدر وش راح تقول
ازرب خمم خطاك الوقت راو يفوت
بلاك اليوم في الليل مكتوب عليك تموت