نبداو لغناية بحكاية شوية قديمة
نجبدوا على الناس تاع شبه الجزيرة
سقسي التاريخ درك وحدوا راح يقول
واش دارو les pirates جماعة آل سعود
كيما ليهود تفاهموا مع les anglais
استقلال مدرح المصالح الكل امفوندي
فورمي حكم ملكي مبني على المال
أقرئ ليستوار تشوف le Roi صح واش دار
سحت la famille تاع الرسول بلا ما يحشم
مخلى حتا واحد من قبيلة بني هاشم
ابعت للأردن لي يهدر راح يتبركل
وعمر البترول في لي باريل تاع ألبرتن
بيع بالخسارة كلش مكمومفلي
طيح فالي بري باش العالم تارتكروفي
لكان على الدين لزموا طوفاي سييزم
فينونس في التيرموند عقلية terrorisme
ويعيش السلطان فالقصور مسرور
إسموا الملك وزيد صاحب السمو
لابس قميص يسوا سور بالملاين
واليتيم فالقدس ملقاش حتى الخبز يابس
كلش باين كون تشوف برك الباسي
عمر بن الخطاب كي كان يڨعد فهدا الكرسي
كان ميرقدش خطراكش يخمم على الفقير
القميص تاعوا مقطع ومرقع بشوية خيط
يوم الأمير او يحوس في لي زيل
فيلا في ميامي ولا فالاكوث دازول
مرتوا بالنقاب فالدار شيء مايبان
وهو فالماريكان مع قبيلة بني عريان
الدولار والريال بالنسبة ليه بلاش
الباراكة فالاطاكست لي يخلصوها الحجاج
بإسم الإسلام سرقوا السوارد تاع الناس
كي قال أباجهل كعبة ستة بون بيزناس
مالا جا رمضان روح ابدى صور
اجبد السديسي وصلي معاه فالصف الاول
والفصيف لي ڤواياج ولي سواري ميحبسوش
ساعة ساعة برتيغول فالرونج تاع جرج بوش
مالا شوف،نوض،اوقف من بلاصتك
حياتك كاملا وانت تتكبر رافع راسك
الناس لي ماتت وعاشت فالعداب
تفاهموا اكل وحكموا عليك بالإعدام
راك koupable بإسم الشعب وبإسم الأمة
بإسم الدم لي قاعد يسيح ليوم بدمة
راك koupable والناس لي عاشوا فالعداب
تفاهموا اكل وحكموا عليك بالإعدام
راك koupable بإسم الشعب وبإسم الأمة
بإسم الدم لي قاعد يسيح ليوم بدمة
راك koupable والناس لي عاشوا فالعداب
تفاهموا اكل وحكموا عليك بالإعدام
واش كاين هنا! أم تلاقاو les arabes
نهدر ولا نخلي لعار مخبي بتراب
كوم دابيتود الاجتماع تاع اليوم
او تحت الرعاية تاع جوج دابل يو
اجبد البيدجي روح ابدا طلس
متخافش على السوارد الشعب من جيبوا ره يخلس
لسق لبلاد بالباتاكس ولالكول
ولي يسكنوا فالبرارك بعدهم على الديكور
دير الأعلان، اي بدات المسرحية
قمة أصلية ڨلبوها قوادة عصرية
المشروع لي داروه بوش يحطوا في قصرية
ولارمي اميريكان أم تزها برقصات مصرية
واشيا؟فالهدرة دي شكون ينجملهم
تشوف في وجهكم النفاق او خارج منهم
يحكيو على الفقر لي عند لعرب دار ديغا
وهوما كل بالأرماني اللأيغو والألباغا
واشي هذا غير لوكس وشياكا
هدي هي الشيوخا نصها كلها شياتا
فيف الديمقراطية تاع لي برانس ولي روا
الفوط لمدرح بالارمي ولي كوديطا
مالا طفي الكاميرا وطفي معاها البوست
نحكيو في بعضانا على ليزافار تاع الشرق الأوسط
خطراكش معا الماركان حنا كل وزن الريشة
نطربوا الشيشا حشيشا طلبا معيشا
واحد مسينيي معا ليهود كونثر الحرب
ولاخرخايف عندوا ديون مبقاش يتحرك
وحد يخمم على الثوريزم ايفينونسي
ولاخر الماريكان ضمنتلوا بلاصتو فوق الكرسي
يخي مرزي طاحوا اكل هنا فالفيس
خوفهم ابليس من شعب تاع الفيس
خسروا دو فيس، مرضوا اكل بتوسويس
ونساو جدودهم لي بناو قناة السويس
المهم النتيجة جابوها بتفاق
لي ميتبعش الماريكان راح يسرالوا كي العراق
هدروا مهدروش، داروا ماداروش!
من بكري لعرب يخي تفهموا باش ميتفاهموش
مالا شوف،نوض،اوقف من بلاصتك
حياتك كاملا وانت تتكبر رافع راسك
الناس لي ماتت وعاشت فالعداب
تفاهموا اكل وحكموا عليك بالإعدام
راك koupable بإسم الشعب وبإسم الأمة
بإسم الدم لي قاعد يسيح ليوم بدمة
راك koupable والناس لي عاشوا فالعداب
تفاهموا اكل وحكموا عليك بالإعدام
راك koupable بإسم الشعب وبإسم الأمة
بإسم الدم لي قاعد يسيح ليوم بدمة
راك koupable والناس لي عاشوا فالعداب
تفاهموا اكل وحكموا عليك بالإعدام
ودركا نروحوا للو ماثر دو لاڨار
الإسم الكامل مستر جورج ولكار
عندوا نوكليار لي ميڨ ولي فوكار
ومربي كانيش مسميه طوني بلار
صحيبوا رامس فيلد يبزنس فالسلاح
لازم حروب ملاح باه سلعا كل تتباع
دي بروثاكسيون للكويت على جال السوارد
وشعل ڨار سيفيل فلا بوسني ولا صومال
بوش كيما باباه عندوا بارتي
السياسة تاعو تبازي على البيدجي لكبير تاع لارمي
معروف انسيان الكوليك يحب شراب
مسيحي معقد يكره الاسلام ولي زاراب
دار لاكس دو مار ولقى صدام تاع مشاكل
مدام عنوا سلاح تاع الدمار الشامل
قالهم اني شاهد وعندي مشروع يفيد
نريبوا بغداد ونبنيوها من جديد
مالا جيب الشريكات نديروا دي ميليار
نطلعوا الدولار بين ليلى وبين نهار
وزيد كثر من لي كار تاع الكاثربيلار
وعمرها ماكاين الكوكا و الماكدونالد
وباش اللاستعمار يقعد ڨداه نسنة
لازم درك دير ناميمة بين الشيعة وصحاب السنة
وزيد اسنا لازم نديروا أمن قاوي
على هاديك يساعدونا لي زاثونثا تاع الزرقاوي
ولاكان على لعرب متخافش أم سخونين
يعيطوا شوية أبري أم يرڨدوا بعد يومين
أقتل عرفات درك يتقسموا الفصائل
وكمل علي الحريري زيد تتخلط بالماصايب
سوريا ولبنان نسيبولهم شوية كلاب
كوريا نكوليوها ونديرولها انقلاب
يبقاو لقلال نغرقوهم كل فالهم
ونروحو نبولوا علي هيئة الأمم